Bilkisu Funtuwa

Bilkisu Funtuwa
Bizitza
Jaiotza1962 (62/63 urte)
Herrialdea Nigeria
BizilekuaFuntua (en) Itzuli
Hezkuntza
HizkuntzakHausa
Nigerian Pidgin (en) Itzuli
Jarduerak
Jarduerakeleberrigilea eta idazlea
Sinesmenak eta ideologia
Erlijioaislama

Hajiya Bilkisu Salisu Ahmed Funtuwa (Funtuwa, 1962), Aunty Bilki ezizenez ere ezaguna[1], nigeriar idazlea da, hausaz idazten duena[2][3].

Bizitza

[aldatu | aldatu iturburu kodea]

Bilkisu Funtuwa Nigeriako iparraldeko Funtuwa herrian jaio zen 1962an eta hezkuntza islamiarra jaso zuen. Gaur egun familia poligamo batean bizi da emazte nagusi gisa[3][2]. «Kanoko merkatuko literatura» deiturikoaren ordezkari ezagunenetako bat da eta Littattafan Soyayya (amodiozko eleberriak) idazten ditu[4], emakumezko pertsonaia musulmanetan zentratuz[5].

Bere eleberriek emakumeen eskubideekin, hausa herriarekin eta islamarekin lotutako gaiak uztartzen dituzte, egileak komunitete horietako kide gisa izandako esperientziatik abiatuta[4][1]. Bilkisu Funtuwak hausa emakumearengandik espero den poligamiaren praktika erlijiosoari eusten dio, eta, beraz, egoera horiei aurre egiteko moduei buruz idazten du. Funtuwaren eleberrietako emakumezko protagonistek beren heziketa eta debozioa erabiltzen dituzte arrakasta lortzeko. Pertsonaia horiek abokatuak, medikuak, gobernuko funtzionarioak edo enpresaburuak dira eta ibilbide profesional arrakastatsua dute. Funtuwaren lanen gai nagusietako bat maitasun sutsua da[4]. Bere eleberriek emakume musulmanak beren familietan kontrol handiagoa lortzera eta hezkuntzan zentratzera bultzatzen dituzte, erlijioa utzi gabe[5].

2020an BBC Hausaren emakume ipuingileen lehiaketako epaimahaiburu izan zen[6].

Lanak

[aldatu | aldatu iturburu kodea]
  • Allura cikin ruwa (1994)
  • Wa ya san gobe? (1996)
  • Ki yarda da ni (bi liburukitan[3], 1997)[7]

Erreferentziak

[aldatu | aldatu iturburu kodea]
  1. ↑ a b (Ingelesez) Sheme, Ibrahim. «Bilkisu Funtuwa Interview» Bahaushe Mai Ban Haushi! 2007-04-07 (Noiz kontsultatua: 2024-12-20).
  2. ↑ a b (Ingelesez) «Funtuwa, Bilkisu (1962– )» Oxford Reference (Noiz kontsultatua: 2024-12-20).
  3. ↑ a b c (Portugesez) «Bilkisu Funtuwa (1962)» Biografias de Mulheres Africanas (Noiz kontsultatua: 2024-12-20).
  4. ↑ a b c (Ingelesez) Whitsitt, Novian. (2003). «Islamic-Hausa Feminism Meets Northern Nigerian Romance: The Cautious Rebellion of Bilkisu Funtuwa» African Studies Review (Noiz kontsultatua: 2009-07-30).
  5. ↑ a b (Ingelesez) Sheldon, Kathleen E. (2005). Historical Dictionary of Women in Sub-Saharan Africa. Scarecrow Press, 88 or. ISBN 0-8108-5331-0. (Noiz kontsultatua: 2024-12-20).
  6. ↑ (Ingelesez) Lere, Mohammed. «20-year-old wins BBC Hausa women short story writing competition» Premium Times 2020-12-05 (Noiz kontsultatua: 2024-12-20).
  7. ↑ (Ingelesez) Gunner, Elizabeth Ann Wynne; Scheub, Harold; Augustyn, Adam; Chauhan, Yamini; Lotha, Gloria; Luebering, J. E.; Rodriguez, Emily; Sampaolo, Marco et al.. «African literature : Literatures in African languages : Hausa» Encyclopaedia Britannica 2024-12-10 (Noiz kontsultatua: 2024-12-20).

Kanpo estekak

[aldatu | aldatu iturburu kodea]