Biorritmo

Biorritmoa izaki bizidunen erritmo biologikoa da, funtzionamenduaren edozein aldaketa erregular eta aldizkakoa, jatorri genetikoa duena (hilekoa, loa, bihotz-taupadak...) edo jatorria ingurunean duena. Izaki bizidunek ingurunera moldatzeko duten bideetako bat da. Gizakiak, adibidez, hainbat ezaugarri fisiologiko moldatzen ditu, bere ohiturekin adostu daitezen, eguneroko bizitzak eskatzen duen jarduera biologikoarekin bat etor daitezen (oroimena, arnasketa eta odolaren zirkulazioa, guruinak, eta abar).

Bestalde, biorritmo deritze giza organismoaren ustezko energia-ziklo batzuei. Teoria baten arabera, gizakion bizitza ziklo matematiko sinple batzuen bidez iragar daiteke (gizakia, sortzen denetik hiltzen den arte, hiru ziklo nagusiren mende egongo litzateke: fisikoa, emozionala eta intelektuala, eta ziklo bakoitzak fase positiboak eta negatiboak lituzke), baina zientzialari gehienek uste dute kontzeptu hori pseudozientzia dela.

Erreferentziak

Kanpo estekak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.