Bo'ness

Bo'ness Ceann Fhàil
Eskozia
Irudi gehiago
Administrazioa
Estatu burujabe	Erresuma Batua
Herrialdea	Eskozia
Eskoziako kontseilu gunea	Falkirk
Posta kodea	EH51
Geografia
Koordenatuak	56°01′00″N 3°36′32″W / 56.0168°N 3.6089°W / 56.0168; -3.6089
Azalera	2,3 mi²
Demografia
Biztanleria	14.760 (2016)
Dentsitatea	6.417 bizt/km²
Informazio gehigarria
Telefono aurrizkia	01506
Ordu eremua	UTC±00:00
falkirk.gov.uk

Bo'ness edo Borrowstounness (Eskoziako gaeleraz: Ceann Fhàil), Eskozia erdialdeko udalerria da, Falkirk eskualdeko hirugarrena. 2011ko erroldaren arabera 14.868 biztanle ditu.

Etimologia

Ingeles zaharreko Beornweardstun izenak bi zati ditu; Beornweard (gudari bizarduna) eta tun (herria). Ness atzizkiak "lurmuturra" esan nahi du. Horrela beraz "gudari bizardunaren lurmuturreko herria" izango litzateke itzulpena.

Geografia

Falkirk herritik hamar kilometro ekialdera dago, Fortheko fiordoaren ertzean eta Edinburghetik 27 kilometro ipar-mendebaldera.

Historia

Erromatarren garaian Antoninoren Harresiaren ekialdeko muturra izan zen. Carriden Houseko lurretan hainbat aztarna aurkitu izan dira indusketetan.

XVI mendearen inguruan Kinneil House (Hamilton familiaren egoitza izan zena) eta Carriden House jauregiak eraiki ziren. Ikatz meategiek opariotasun handia ekarri zioten herriari eta 1707an kaia eraikitzeko baimena lortu zuen. 1881ean handitu egin zuten kai hau.

Gaur egun Falkirk, Glasgow edo Edinburgh hirien lo-hiri bihurtu da.

Ondasun nabarmenak

• Kinneil House
• Carriden House

Iruditegia

• 
  Udaletxea.
• 
  Kinneil House.
• 
  Carriden House.
• 
  Aduana.
• 
  Hipodromoa.
• 
  Craigmailen United Free eliza.
• 
  Dymocken eraikina.
• 
  Postetxea.
• 
  Alde zaharreko iturria.

Kanpo estekak