Boti ur-jauziak

Boti ur-jauziak
Mota	ur-jauzi
Geografia
Koordenatuak	6°10′N 0°12′W / 6.16°N 0.2°W / 6.16; -0.2

Boti ur-jauziak (ingelesez: Boti Falls) Ghana hego-ekialdean dagoen ur-jauzi bikote bat da. Koforidua hiritik 17 kilometrora aurkitzen dira, Boti herrixkan, eta Akkra hiriburutik 90 minutu ingurura, garraiobidearen arabera.^[1]

Historia

Ingurua esploratzen ari zen apaiz zuri katoliko batek aurkitu omen zituen Boti ur-jauziak basoaren erdian^[2]. 1960. hamarkadan oso ezagunak egin ziren eta Ghanako lehen presidentea izan zen Dr. Kwame Nkrumah han izan zen bisitan.

Deskribapena

Berez goiko eta azpiko Boti ur-jauziak badaude ere, ezagunak azpiko bikotea soilik dira. Azpiko bikote hori errekek sortzen dituzte. Ur-jauzi hauek 30 metrotako altuera dute.^[1]

Kondairak dio erreka bat arra dela eta bestea emea. Eurite sasoian errekak handi datoz eta ur-jauzi "arrak" eta "emeak" bat egiten dute ortzadar ikusgarria sortaraziz. Inguruko biztanleek "ezkontza" esaten diote ortzadar horri.^[2]

Ur-jauziak erortzen diren putzutik Ponmpon ibaia sortzen da eta honek Huhunya baso erreserba zeharkatuz Volta ibaira isurtzen ditu urak.^[3]

Inguruko bitxikeriak

Ur-jauzien inguruan badira bi elementu bitxi, Three-headed palm tree ("hiru buruko palmondoa") eta Umbrella rock ("aterkin arroka").^[1][4]

Iruditegia

• 
  Boti ur-jauziak.
• 
  Boti ur-jauziak.
• 
  "Hiru buruko palmondoa".
• 
  "Aterkin arroka".

Erreferentziak

1. ↑ (Ingelesez) «Boti Falls - Tourism in Ghana,Touring Ghana, Visiting Ghana» touringghana.com 2016-03-26 (Noiz kontsultatua: 2024-09-04).
2. ↑ (Ingelesez) «Visit Ghana - Boti Falls» Visit Ghana (Noiz kontsultatua: 2024-09-04).
3. (Ingelesez) Meeka. (2024-04-12). «Boti Falls: Ghana's Most Beautiful Waterfall» The Wandering Afro:Travel Blogger (Noiz kontsultatua: 2024-09-04).
4. (Ingelesez) «Exploring the mysterious Umbrella Rock at Boti Falls» GhanaRemembers (Noiz kontsultatua: 2024-09-04).

Kanpo estekak