Calliteara pudibunda

Calliteara pudibunda
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Erebidae
Leinua	Orgyiini
Generoa	Calliteara
Espeziea	Calliteara pudibunda Linnaeus, 1758
Datu orokorrak
Ostalaria	lupulu, Haltz beltz, Haritz, Sahats, Vaccinium uliginosum, Urki dilindari, Pago arrunt, Vaccinium vitis-idaea, Geranium pratense, Sagarrondo, Otsagereziondo, Intxaurrondo arrunt, mugurdiondo, Astigar zorrotz, Haltz zuri eta Ezki hostotxiki

Beldar horia.

Calliteara pudibunda Erebidae familiako lepidopteroen espezie bat da. Izatez sitsa da, gautarra beraz. Europan, Anatoliako penintsulan eta Siberian zehar Txina, Vietnam eta Korearaino hedatzen da. Sits hau pagoen bizkarroia da^[1].

Deskribapena

Imagoa

40-60 mm-tako hego-zabalera hartzen du eta sexu dimorfismo nabarmena du. Emea zuri-gris kolorekoa da gainaldean eta azpian uhin itxurako zeharkako marra ilunak eta ertz zuridunak ditu. Arra ilunagoa da, oliba-gris kolorekoa, eta hegoen ertzean horixka^[2].

Gorputz iletsua du, emeak zurixka eta arrak ilunagoa aurrealdean.

Beldarra

Beldarra oso iletsua da, bizkarraren goialdean lau motots trinkoagoak, eta isats gorri tente bat du. Normalean horia da, oso deigarria, baina batzuetan marroi ere izan daiteke.

Bizi zikloa

Sitsa denez gautarra da eta apirila eta maiatza artean egiten du hegan. Udazkenean beldarrak agertzen dira eta pagoen hostoetaz elikatzen dira, bai eta haritzetaz, sahatsetaz, elorri beltzetaz eta elorri zurietaz ere^[3].

Irudiak

• 
  Imagoa.
• 
  Beldar horia.
• 
  Beldar marroia.
• 
  Arrautzak.

Erreferentziak

1. «navarraforestal FORESNA ZURGAIA. REVISTA DE LA ASOCIACIÓN FORESTAL DE NAVARRA. NAFARROAKO BASO ELKARTEA - PDF Descargar libre» docplayer.es (Noiz kontsultatua: 2021-10-10).
2. Seitz, A.. (1912-1913). Die Großschmetterlinge der Erde, Verlag Alfred Kernen, Stuttgart Band 2: Abt. 1, Die Großschmetterlinge des palaearktischen Faunengebietes, Die palaearktischen Spinner und Schwärmer. .
3. «2014ko maiatza» www.vistaalegrebaserria.com (Noiz kontsultatua: 2021-10-10).

Kanpo estekak