Carpobrotus edulis

Carpobrotus edulis
Carpobrotus edulis loretan Irudi gehiago
Sailkapen zientifikoa
Erreinua	Plantae
Ordena	Caryophyllales
Familia	Aizoaceae
Leinua	Ruschieae
Generoa	Carpobrotus
Espeziea	Carpobrotus edulis Kensit eta Bolus, 1927
Basionimoa	Mesembryanthemum edule

Carpobrotus edulis edo katu-azazkala Aizoaceae familiako landare zukutsua da, jatorriz Hegoafrikakoa eta Euskal Herriko kostan bertakotu dena landare inbaditzaile bihurtuz. Zenbait egileen arabera, landare eraldatzailea (edo transformatzailea) ere bada. ^[1]

Landare honek erraztasun handia du sustraiak eta aldakaitzak sortzeko eta, horregatik, zurtoinaren edozein zati propagulu bihur daiteke. Katu-azazkalak eragin fitotoxikoa du eta bertako landaredia ernetzea galarazten du. Lehortearekiko eta gazitasunarekiko erresistentzia handia du, eta ondo hazten da lurzoru hareatsuetan.

Horregatik, habitata itsasertzeko dunak eta labarrak ditu, azken ezaugarri horiek direla-eta, toki horietan primeran egokitu baita. Desagerrarazteko lanak, batez ere, eskuz egin ohi dira.

Ezaugarriak

Landare zukutsu herrestaria da, aurrez aurreko hosto mamitsu eta hirukiak dituena 3-10 cm artekoak.

Loreen diametroa 8-9 cm da, arrosa bizikoak edo hori ahulekoak.

Fruitua, jateko ona, hazi ugari sortzen ditu, askotan ehun inguru.

Euskal Herrian

Jatorri aloktonoa duen espeziea da, komunitate naturaletan ezarpen iraunkorrekoa.

Sartze-era: Ornamentazio-lorezaintzan erabili da. Beraz, lorategietatik eratorritakoa da.

Kanpo estekak

• Carpobrotus edulis Eusko Jaurlaritzaren Ingurumen saileko webgunean

Erreferentziak

1. EAEko flora aloktono inbaditzailearen diagnosia. Bilbo: Biodibertsitate eta Ingurumen Partaidetzarako Zuzendaritza. Ingurumen eta Lurralde Antolamendu Saila. Eusko Jaurlaritza, 17-33 or..