Charles Gwathmey

Charles Gwathmey
Bizitza
Jaiotza	Charlotte, 1938ko ekainaren 19a
Herrialdea	Ameriketako Estatu Batuak
Heriotza	Manhattan, 2009ko abuztuaren 3a (71 urte)
Heriotza modua	berezko heriotza: minbizia hestegorriko minbizia
Hezkuntza
Heziketa	Yale Unibertsitatea High School of Music & Art ^(en) Yale School of Architecture ^(en) University of Pennsylvania School of Design ^(en)
Jarduerak
Jarduerak	arkitektoa eta unibertsitateko irakaslea
Enplegatzailea(k)	Princetongo Unibertsitatea Yale Unibertsitatea Columbia Unibertsitatea Harvard Unibertsitatea Kaliforniako Unibertsitatea Los Angelesen Texasko Unibertsitatea Austinen Pratt Institute ^(en)
Jasotako sariak	ikusi Rome Prize Architecture Firm Award Fulbright beka
Kidetza	Ameriketako Estatu Batuetako Arte eta Letren Akademia

Astor Tower (New York), Charles Gwathmeyk diseinatua

Charles Gwathmey (Charlotte, Ipar Carolina, 1938ko ekainaren 19a - New York, 2009ko abuztuaren 3a) estatubatuar arkitektoa izan zen.

Arkitektura-ikasketak egin zituen Pennsylvaniako Unibertsitatean (1956-1959) eta Yaleko Unibertsitatean (1962an). Frantzian ikasketak sakondu ondoren, irakasle gisa hasi zen lanean 1964an, Yale, Princeton, Harvard eta Columbiako unibertsitateetan, hitzaldiak emateaz eta arkitektura-lehiaketetan parte hartzeaz gainera. Gwathmey-Siegel Architects konpainia sortu zuen 1966an, Robert Siegelekin batera. Arazo eta premia batzuen azken erantzun gisa proposatzen zuten biek arkitektura: bezeroaren beharrak, eraikuntzaren funtzioa eta abar hartu behar zirela kontuan. 1970ean, Arnold W. Brunner arkitektura saria jasotzen zuen arkitekto gazteena bihurtu zen. Lan nagusiak hauek dira: Tolan etxea (1971, Long Island, New York), Cogan etxea (1972, East Hampton, New York), Perinton egoitza (1975, Rochestertik hurbil), Disney World Convention Center (1991, Orlando, Florida) eta Solomon R. Guggenheim Museoaren zabaltze- eta berritze-lanak (1992, New York).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.