César Chávez

César Chávez
(1974) Irudi gehiago
Bizitza
Jaiotza	Yuma, 1927ko martxoaren 31
Herrialdea	Ameriketako Estatu Batuak
Heriotza	San Luis, 1993ko apirilaren 23a (66 urte)
Hobiratze lekua	Cesar E. Chavez National Monument ^(en)
Heriotza modua	berezko heriotza
Familia
Ezkontidea(k)	Helen Fabela Chávez ^(en)
Familia	ikusi Sam Chavez ^(en) (biloba)
Hezkuntza
Hizkuntzak	gaztelania ingelesa
Jarduerak
Jarduerak	sindikalista, laborer ^(en) , politikaria eta giza eskubideen aldeko ekintzailea
Jasotako sariak	ikusi Askatasunaren Domina Presidentziala  (1994) Pacem in Terris Award Labor Hall of Honor  (1998) Gandhi Peace Award  (1989) Greatest Public Service Benefiting the Disadvantaged  (1973) California Hall of Fame  (2006)
Kidetza	United Farmers of Ontario ^(en)
Zerbitzu militarra
Adar militarra	Ameriketako Estatu Batuetako Itsas Armada
Sinesmenak eta ideologia
Erlijioa	Erromatar Eliza Katolikoa

César Estrada Chávez (Yuma, Arizona, 1927ko martxoaren 31 - San Luis, Arizona, 1993ko apirilaren 23a) estatubatuar sindikatu-buruzagia izan zen. Mexikoko langile etorkinen artean jaio eta hazi zen, eta seigarren graduan utzi zuen eskola, guraso eta senideekin batera denboraldiko nekazaritza-lanetan aritzeko (mahats biltzen, fruitu biltzen eta abar). Bigarren Mundu Gerran, Ameriketako Estatu Batuetako Itsas Armadako soldadu izan zen. 1952tik 1962 arte, CSO (Erkidegoko Zerbitzu Erakundea) izeneko laguntzarako taldean lan egin zuen. Gero, langile nekazarientzako sindikatu bat sortzeari ekin zion. Hasieran, Langile Nekazarien Nazio Elkartea (NFWA) deitu zen, baina aurrerago, beste sindikatu eta talde batzuekin batu ondoren, Langile Nekazarien Batasuna (UFW) osatu zen, Chávez lehendakari zuela. 1968an, Kaliforniako mahatsaren aurkako boikot luze bat aldarrikatu eta bideratu zuen, laneko kontratuak lortzeko ahaleginetan. 1970eko hamarraldian borrokak aurrera egin zuen, eta azkenean erdietsi zuten chicanoen eskubide sindikalak aintzat hartuak izatea. Hasieratik, UFWk bere egin zituen Gandhiren eta Martin Luther Kingen bortizkeria gabeko presio-metodoak. Hala, 1988ko uztailean eta abuztuan, 36 eguneko gose-greba egin zuen Chávezek, mahats-biltzaileak eta beren umeak pozoitzen zituzten pestiziden aurka protestatzeko. 40.000 lagun baino gehiago izan ziren Chávezen hileta ospakizunetan.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: César Chávez