Darcy Ribeiro

Darcy Ribeiro
Irudi gehiago
Brasilgo senatari 1991ko otsailaren 1a - 1997ko otsailaren 17a Chief of Staff of the Presidency Brazil ^(en) 1963ko ekainaren 18a - 1964ko apirilaren 2a minister of Education of Brazil ^(en) 1962ko irailaren 18a - 1963ko urtarrilaren 23a
Bizitza
Jaiotza	Montes Claros, 1922ko urriaren 26a
Herrialdea	Brasil
Lehen hizkuntza	portugesa
Heriotza	Brasilia, 1997ko otsailaren 17a (74 urte)
Heriotza modua	berezko heriotza: minbizia
Familia
Ezkontidea(k)	Berta Ribeiro  (1948 -  1975)
Hezkuntza
Heziketa	São Pauloko Unibertsitatea
Hizkuntzak	portugesa brasildar portugesa gaztelania
Jarduerak
Jarduerak	antropologoa, politikaria, idazlea, soziologoa eta eleberrigilea
Lantokia(k)	Brasilia
Enplegatzailea(k)	University of Brasília ^(en)
Jasotako sariak	ikusi Anísio Teixeira Award  (1996) Ordem do Mérito Cultural  (2005) honorary doctor of the University of Brasília [[]]
Kidetza	Brasilgo Letren Akademia
Sinesmenak eta ideologia
Erlijioa	katolizismoa
Alderdi politikoa	Democratic Labour Party ^(en)

Darcy Ribeiro (Montes Claros, Minas Gerais, 1922ko urriaren 26a - Brasilia, 1997ko otsailaren 17a) brasildar antropologo, hezle eta politikaria izan zen. Brasilgo Hezkuntza eta Kultura ministroa izan zen.

Biografia

Soziologia eta politika-zientzietako ikasketak egin zituen, Sao Pauloko Unibertsitatean. 1947an Indiarren Babes Zerbitzuko ikertzaile eta etnologo gisa lanean hasi zen, eta etnologia sailaren buru izan zen, 1952tik 1956ra bitartean. 1953an Indiarraren Museoa sortu zuen. Hezkuntzaren munduan, Heziketa Ikerkuntza Zentroko eta Analfabetismoa Desagertzeko Kanpainaren Ikerkuntza Sozialen saileko zuzendari izan zen. 1961ean Hezkuntzako eta Kulturako ministro izendatu zuten, eta kargu horretatik Brasiliako Unibertsitatea sortu zuen. 1963tik 1964ra, Errepublikako lehendakaritzako Etxe Zibileko buru izan zen. Azkeneko urte horretan, gobernuaren kontra azpilanean aritu zen taldeak eskubide politikoak kendu zizkion.

Uruguaira erbesteratu zen, eta Txilen eta Perun bizi izan zen gero. Perun antropologia eskolak eman zituen, eta unibertsitateko irakaskuntza berritzen jardun zuen, gero. 1976an Brasiliako Unibertsitatean hasi zen berriro lanean, eta urrutiko hezkuntzarako oinarriak jarri zituen. Etnologo gisa, zenbait ikerketa egin zituen Brasileko indiar taldeen artean.

Bere azterketetan oinarrituta, indiarren erlijio, mitologia, hizkuntza eta kulturei buruzko liburu asko idatzi zituen: Proceso civilizador (1968, "Zibilizatzea"); Universidad necesaria (1969, "Ezinbesteko unibertsitatea"); Las Américas y la civilización (1970, "Amerikak eta zibilizazioa"); Teoría de la historia de Brasil (1972, "Brasileko historiaren teoria"); eta indiar mitologiari buruzko eleberri handi bat, Maíra (1976).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Darcy Ribeiro