David Crighton

David Crighton
Bizitza
Jaiotza	Llandudno, 1942ko azaroaren 15a
Herrialdea	Erresuma Batua
Heriotza	Cambridge, 2000ko apirilaren 12a (57 urte)
Hezkuntza
Heziketa	Saint John's College (Cambridge) Watford Grammar School for Boys ^(en) Londresko Imperial College
Tesi zuzendaria	John Ffowcs Williams
Doktorego ikaslea(k)	Andrew Thomas Cates ^(en) Nigel Peake ^(en) Jonathan J. C. Nimmo ^(en) Sjoerd Willem Rienstra ^(en) Stefan Llewellyn Smith ^(en) Paul William Hammerton ^(en) Robert Edward Hunt ^(en) Christina Bloor ^(en) Richard Morgan Griffiths ^(en) Pablo Luis Rendon-Garrido ^(en) Vivek Saxena ^(en) Janet Elaine Oswell ^(en) Francois Van Herpe ^(en) Shirley Elizabeth Harris ^(en) Peadar Nollaig Sionoid ^(en) Christopher James Parkins ^(en) Markku Juhani Vartiainen ^(en) Mulshankur Binoy Sobnack ^(en)
Hizkuntzak	ingelesa
Jarduerak
Jarduerak	matematikaria, unibertsitateko irakaslea eta fisikaria
Enplegatzailea(k)	Cambridgeko Unibertsitatea University of Greenwich ^(en) Londresko Imperial College Leedsko Unibertsitatea  (1974 -  1986)
Jasotako sariak	ikusi Royal Societyko kidea Otto Laporte Award  (1998) Carl Friedrich Gauss Medal  (1995)
Kidetza	Arteen eta Zientzien Ameriketako Estatu Batuetako Akademia Royal Society

David George Crighton (Llandudno, Gales, 1942ko azaroaren 15a - Cambridge, Ingalaterra, 2000ko apirilaren 12a) galestar matematikaria izan zen.

Biografia

Cambridgeko St John's Collegen sartu zen, 1961ean. Ikasketak 1964an bukatu zituen, eta Woolwich Polytechnicean eskolak ematen hasi zen. John Fowcs Williams matematikaria ezagutu zuenean, lana utzi eta ikerlanean hasi zen harekin, Londresko Imperial Collegen. Williamsen laguntzaile izateaz gainera, doktorego-ikasketak ere egin zituen urte horietan. Hala, 1969an bukatu zuen doktoregoa, eta Imperial Collegen gelditu zen, bost urte geroago Cambridgeko Unibertsitateko Ingeniaritza Saileko ikerketa-laguntzaile izendatu zuten arte.

Crightonen lehenengo artikulua, Radiation from turbulence near a composite flexible boundary, 1970ean argitaratu zen, Londresko Errege Elkartearen Proceedings aldizkarian. Artikulu horretan, bi plano erdi infinitu malguk sortutako gainazal eten batetik jariakin zurrunbilotsu bat igarotzen denean sortzen diren soinu-uhinak aztertu zituen, eta, eredu matematiko bat emanez, arazoa bi ekuazio ebaztera murriztu zuen. Nahiz eta 1974an Cambridgeko Ingeniaritza Sailerako hautatu, ez zuen postu hura onartu, Leedseko Unibertsitateko Matematika Aplikatuetako katedra lortu baitzuen.

1986an Batchelorrek Cambridgen utzitako matematika aplikatuetako irakasle postua bete zuen. Urte horietan St John's Collegeko kide hautatu zuten, eta 1991n Cambridgeko Matematika Aplikatu eta Fisika Teorikoko Saileko buru ere izendatu zuten. 1993an Errege Elkarteko kide egin zuten. Crightonek matematika aplikatuen arloa landu zuen gehienbat; bereziki, hegazkinen soinuaren kontrolean erabili zituen bere ideia matematikoak.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.