Ebenezer Cunningham

Ebenezer Cunningham
Bizitza
Jaiotza	Hackney, 1881eko maiatzaren 7a
Herrialdea	Erresuma Batua  Britainia Handia eta Irlandako Erresuma Batua  1927ko apirilaren 12a)
Heriotza	Corbridge, 1977ko otsailaren 12a (95 urte)
Hobiratze lekua	Ascension Parish Burial Ground ^(en)
Familia
Haurrideak	ikusi G. D. Cunningham ^(en)
Hezkuntza
Heziketa	Cambridgeko Unibertsitatea Saint John's College (Cambridge)
Hizkuntzak	ingelesa
Jarduerak
Jarduerak	matematikaria eta fisikaria
Enplegatzailea(k)	Liverpoolgo Unibertsitatea  (1905 -  1907) Londresko University College  (1907 -  1911) Saint John's College (Cambridge)  (1911 -
Lan nabarmenak	ikusi Cunningham correction factor ^(en) conformal symmetry ^(en)
Jasotako sariak	ikusi Smith's Prize  (1904) Senior Wrangler  (1902)

Ebenezer Cunningham (Hackney, Londres, 1881eko maiatzaren 7a - 1977ko otsailaren 12a) britaniar matematikaria izan zen.

Biografia

Lehenengo ikasketak Cambridgeko St John's Collegen egin zituen. Besteak beste, Baker, Larmor, J. G. Leathem eta R. Pendlebury izan zituen irakasle; Baker izan zen bere ikasketen zuzendari. 1902an, graduatu ondoren, Smith sarirako trebatzeari ekin zion; bitartean egindako ekarpenak aldizkari frantses batean argitaratu zituen, eta azkenik erretiratu egin zen. 1904an St. John's-eko kide hautatzeaz gainera, irakasle-postu bat ere lortu zuen Liverpooleko Unibertsitatean; bertan Batemanekin batera lan egin zuen. 1907 urtea Liverpool eta Cambridgen eman zuen lanean. Gero Londresko University Collegera joan zen, non Pearsonen zuzendaritzapean lan egin zuen. Urte horietan ekuazio diferentzial linealei buruz eta estatistikei buruz idatzi zuen. Baina Cunninghamek beste arlo batzuk landu zituen. Hala, Larmoren Aether and Matter (Eterra eta materia) liburu famatua eta Einstenen erlatibitate bereziari buruzko artikulua (1905) irakurri ondoren, arlo horretan hasi zen lanean. 1914an The Principle of Relativity (Erlatibitatearen printzipioa) liburua argitaratu zuen; hortik aurrera erlatibitateari buruz artikulu ugari idatzi zuen. Izan ere, 1911n, Bakerrek gonbidatuta, St. John's Collegera itzuli zen, baina bere lana Lehen Mundu Gerrak eten zuen. Hala, urte horietan zailtasun handiak izan zituen erlatibitatearen teoriaren garapena jarraitzeko. Azken urteak Cambridgen eman zituen, matematikako irakasle.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.