Ela Gandhi

Ela Gandhi
(2018) Irudi gehiago
Hegoafrikako Biltzar Nazionaleko kidea
Bizitza
Jaiotza	Durban, 1940ko uztailaren 1a (84 urte)
Herrialdea	Hegoafrika
Familia
Aita	Manilal Gandhi
Haurrideak	ikusi Arun Manilal Gandhi ^(mul)
Hezkuntza
Heziketa	University of Natal ^(en)
Hizkuntzak	ingelesa
Jarduerak
Jarduerak	politikaria
Jasotako sariak	ikusi Padma Bhushan Pravasi Bharatiya Samman  (2014)
Sinesmenak eta ideologia
Alderdi politikoa	Afrikako Kongresu Nazionala

Ela Gandhi (Phoenix, Hegoafrikar Batasuna, 1940ko uztailaren 1a) Hegoafrikar Batasuneko Durban eskualdeko ashram batean sortu zen. Emakume aktibista bakezalea eta politikaria da, besteak beste, Indiako Kongresu Nazionaleko, Fronte Demokratiko Batuko (UDF) eta Afrikako Kongresu Nazionaleko kidea (1991), 1994tik 2004ra bitartean diputatu izana.

Biografia

Mahatma Gandhiren biloba eta Manilal Gandhiren alaba da Ela Gandhi.^[1] 1940an jaio, eta Phoenix herriko ashram batean hazi zen, Durbandik gertu, Natal probintzian.^[2]

Natalgo unibertsitatean letretan lizentziatu zen lehenik, eta, gero, Hego Afrikako Unibertsitatean, Gizarte Zientzietan.^[3]

Ibilbidea

Gizarte-langilea izan da 20 urtez, haurtzaroaren eta osasunaren arloetan.

Apartheidaren aurkakoa, hainbat eskualde-erakundetan aritu zen, besteak beste, Nataleko Emakumeen Kongresuan eta Indiako Nataleko Kongresuan (presidenteordea izan zen), baita Fronte Demokratiko Batuan (UDF) ere. 1975ean, jarduera politiko guztiak debekatu zizkioten, eta bederatzi urteko etxeko atxiloketa ezarri. Hala ere, aldi horretan, klandestinitatean lan egin zuen.

UDFren arduradun gisa, Nelson Mandela ezagutu zuen, Paarlen etxean atxilotuta zirauen bitartean. Ondoren, ANCren negoziazio-taldeko kide izan zen: 1990eko hamarkadaren hasieran, Klerk-en Gobernuarekin eta beste alderdi politiko batzuekin eztabaidatu zuen, Hegoafrikako konstituzio berri bat idazteko eta apartheidaren amaieraren eta arraza anitzeko Hego Afrikaren arteko trantsizioa ziurtatzeko.^[4]

Diputatua izan zen hamar urtez, eta, ondoren, karitate- eta erlijio-lanetan aritu zen.

Erreferentziak

1. (Gaztelaniaz) «Genealogía de Ela GANDHI» Geneanet (Noiz kontsultatua: 2024-04-01).
2. A Life Committed to Satyagraha: 2002 International Peace Award Recipient Ela Gandhi. Community of Christ..
3. Ela Gandhi (July 01, 1940 - ). South African History Online..
4. (Ingelesez) Hon. Ela Gandhi - Religions for Peace. 2020-10-13 (Noiz kontsultatua: 2024-04-01).

Ikus, gainera

• Apartheidaren ondorioz debekuak jasandako pertsonen zerrenda

Kanpo estekak

• Ela Gandhi. South African History online.
• «Ela Gandhi : "Avec Mandela, nous parlions souvent de Gandhi"» Le JDD 7 décembre 2013.