Episyrphus balteatus

Episyrphus balteatus
Sailkapen zientifikoa
ErreinuaAnimalia
FilumaArthropoda
KlaseaInsecta
OrdenaDiptera
FamiliaSyrphidae
LeinuaSyrphini
GeneroaEpisyrphus
Espeziea Episyrphus balteatus
De Geer, 1776
Datu orokorrak
Luzerabaliorik ez

Episyrphus balteatus sirfidoen familiako intsektua da[1].

Sirfidoetan ohikoa den bezala erlearen edo liztorraren itxura du eta nekazaritzarako onuragarria da, beldarrak zerealen landare-zorrietaz elikatzen baitira[2].

Deskribapena

[aldatu | aldatu iturburu kodea]

Intsektu txikia da, 9-12 mm artean neurtzen du. Abdomen beltzean laranja-hori koloreko marra zabalak ditu, marra beltz estuagoek zeharkatzen dituztenak. Kolore beltzaren eta laranjaren arteko proportzioa pupa garaiaren iraupenak eta tenperaturak markatzen du[3].

Toraxa grisa da eta begi konposatu handiak ditu buruan, arraren begiak handiagoak dira emearenak baino.

Bizi zikloa

[aldatu | aldatu iturburu kodea]

Emeak landare-zorrien koloniatan jartzen ditu arrautzak eta handik jaiotzen diren beldarrak afido horietaz elikatzen dira. Helduak aldiz lorez lore ibiltzen dira nektarraz eta polenaz elikatzen baitira, horregatik espezie polinizatzailea da[4].

Habitata eta banaketa

[aldatu | aldatu iturburu kodea]

Lorategietan, zelaietan eta baso eta bide ertzetan ikustea ohikoa da.

Europan bereziki ugaria da eta migratzailea da. Europa ipar-hego zeharkatzen du eta ondoren iparraldera itzultzen da urtero[5]. Hegoaldera Afrika iparralderaino eta ekialdera Japoniaraino iristen da.

Genoma

[aldatu | aldatu iturburu kodea]

2022an Episyrphus balteatus genoma guztia sekuentziatu zen eta 2023an argitaratu zen[6].

Iruditegia

[aldatu | aldatu iturburu kodea]
  • Arra.
    Arra.
  • Emea.
    Emea.
  • Pausatuta.
    Pausatuta.
  • Beldarra.
    Beldarra.

Erreferentziak

[aldatu | aldatu iturburu kodea]
  1. ↑ «Marmalade hoverfly - Episyrphus balteatus - Natural England» web.archive.org 2008-11-20 (Noiz kontsultatua: 2024-07-14).
  2. ↑ (Ingelesez) Hondelmann, Peter; Poehling, Hans‐Michael. (2007-08). «Diapause and overwintering of the hoverfly Episyrphus balteatus» Entomologia Experimentalis et Applicata 124 (2): 189–200.  doi:10.1111/j.1570-7458.2007.00568.x. ISSN 0013-8703. (Noiz kontsultatua: 2024-07-14).
  3. ↑ Marriott, Cliff G; J. Holloway, Graham. (1998-02-01). «Colour Pattern Plasticity in the Hoverfly, Episyrphus balteatus: The Critical Immature Stage and Reaction Norm on Developmental Temperature» Journal of Insect Physiology 44 (2): 113–119.  doi:10.1016/S0022-1910(97)00097-8. ISSN 0022-1910. (Noiz kontsultatua: 2024-07-14).
  4. ↑ (Ingelesez) Saeed, Shafqat; Sajjad, Asif; Kwon, Ohseok; Kwon, Yong Jung. (2008-12). «Fidelity of Hymenoptera and Diptera pollinators in onion ( Allium cepa L.) pollination» Entomological Research 38 (4): 276–280.  doi:10.1111/j.1748-5967.2008.00187.x. ISSN 1738-2297. (Noiz kontsultatua: 2024-07-14).
  5. ↑ (Ingelesez) Flying insects tell tales of long-distance migrations. 2018-04-05 (Noiz kontsultatua: 2024-07-14).
  6. ↑ wellcomeopenresearch.org (Noiz kontsultatua: 2024-07-14).

Kanpo estekak

[aldatu | aldatu iturburu kodea]