Ergates faber

Ergates faber
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Coleoptera
Familia	Cerambycidae
Leinua	Callipogonini
Generoa	Ergates
Espeziea	Ergates faber Linnaeus, 1761

Ergates faber Cerambycidae familiako kakalardoa da, zientziarako Lineok 1761ean deskribatu zuena. Europan, Afrika iparraldean eta Ekialde Hurbilean bizi dena. Euskal Herrian ere aurkitzen da^[1].

Deskribapena

Tamaina handiko kakalardoa da, 25 mm-tik hasi eta 60 mm ere har ditzake luzeran^[2]. Iberiar penintsulan aurki daitekeen handienetakoa da. Kolore marroi iluna du. Emeak ilunagoak dira, arrak aldiz gorrixkagoan. Gorputza obalatua da. Sabelalean ile horixka ugari izaten du^[3].

Antena luzeak dituzte, bereziki arrek, gorputza bera baino handiagoak baitira.

Beldarrak zuriak eta lodiak dira.

Habitata

Koniferoen basoetan soilik aurkitzen dira^[3].

Bizi zikloa

Helduak egunez egur artean ezkutaturik egoten dira eta gauez ateratzen dira hegan. Egurra txikitzeko hortz handiak dituzte. Argiek erakarri egiten dituzte eta herrietako kale-argien inguruan ikusten dira sarritan^[2].

Helduak uztailean eta abuztuan ikusten dira. Ondoren emeak arrautzak enbor zaharretan jartzen ditu. Beldarrak bi urte behar ditu garatzeko eta xilofagoa da. Materia organikoa deskonposatzen laguntzen du^[3].

Iruditegia

• 
  Arra.
• 
  Emea.
• 
  Beldarra.
• 
  Pupak.

Erreferentziak

1. «EHAEko Coleoptera Catalogoa|Heteropterus» www.heteropterus.org (Noiz kontsultatua: 2023-09-09).
2. ↑ adminSandra. (2021-09-02). «Ergates faber» De vueltas por el mundo (Noiz kontsultatua: 2024-01-04).
3. ↑ «CERAMBYX, LUCANUS Y OTROS... - Ergates faber» sites.google.com (Noiz kontsultatua: 2024-01-04).

Kanpo estekak