Erloju beira

Zesio floruroa duen erloju beira bat

Erloju beira itxura borobila duen beirazko xafla konkaboa da. Antzinako sakeleko erlojuen beiraren antza duelako deitzen zaio horrela. Kimikan likidoak lurrindu, produktu solidoak pisatu edo hauspeakin ontzien estalki moduan erabiltzen da.

Bere erabilpen hedatuena produktu solidoak pisatzea da, nahiz eta iragazketa baten ondoren lortzen den produktu hezea pisatzeko ere erabiltzen den. Hauspeakin ontzien estalki gisa ere jartzen da, azken erabilpen honekin ontzi barrura hautsa edo beste partikula batzuk sartzea ekidin nahi da. Erloju beirak ez du hauspeakin ontziaren ahoa erabat estaltzen, horregatik gasen elkartrukea baimentzen du

Lurrinketa gainazal bezala erabiltzen denean, hauspeakin edo kristalen behaketa hobea baimentzen du erloju beirak. Gainera, kontrastea egingo duen koloreko gainazal baten gainean jar daiteke ikusgaitasun orokorra hobetzeko.

Kanpo estekak