Ernest Joyce

Ernest Joyce
Irudi gehiago
Bizitza
Jaiotza	Bognor Regis, 1875eko abenduaren 22a
Herrialdea	Erresuma Batua
Heriotza	Londres, 1940ko maiatzaren 2a (64 urte)
Hezkuntza
Heziketa	Royal Hospital School ^(en)
Hizkuntzak	ingelesa
Jarduerak
Jarduerak	esploratzailea
Parte-hartzailea Australasian Antarctic Expedition ^(en) Trans-Antartika Espedizio Inperiala Discovery espedizioa Nimrod espedizioa
Jasotako sariak	ikusi Polar Medal Albert Medal for Lifesaving
Zerbitzu militarra
Adar militarra	Royal Navy

Ernest Edward Mills Joyce (Bognor Regis, c. 1875 - Londres, 1940ko maiatzaren 2a) Britainiar Errege Itsas Armadako (Royal Navy) marinel bat eta esploratzaile polar bat izan zen, Antartikako hiru espediziotan parte hartu zuen XX. mendearen hasieran.

Biografia

Marinel umil baten semea, 1891. urtean itsasmutil gisa hasi zen bere lanbide ibilbidea. Hamar urte geroago Scott kapitainaren 1901-1904 urteen arteko Discovery espedizioan sartu zen lehen mailako marinel gisa. Espedizio horretan, Ernest Shackleton-i, Discovery-eko ofizialetako bat zenari inpresio on bat eragin zion. 1907an Shackleton-ek Joyce kontratatu zuen 1907-1909 Nimrod espedizioan Leren eta txakurren ardura hartzeko. Bere lanean ondo defendatu ostean, Australiako espedizio antartikoan egin zuen antzeko eginkizuna, Douglas Mawson-ek zuzendua 1911an, baina espedizioa utzi zuen, arrazoirik gabe, Tasmania utzi baino lehen.

1914an Shackletonek Joyce gonbidatu zuen 1914-1917ko Trans-Antartikako Espedizio Inperialean parte hartzeko, "Ross itsasoko taldea" izeneko laguntza taldeko kide gisa, leren eta txakurren arduraduna berriro ere. 1915 eta 1916 urteen artean Ross itsasoko taldeak pairatutako ezbehar batzuen ondoren, Joyce faktuan lider bihurtu zen, eta ondoren, Albert Domina irabazi zuen bere hiru lagunetako bizitza salbatzeagatik. Hala eta guztiz ere, espedizio horrek Joycen Antartikako esplorazioan parte hartzearen amaiera markatu zuen, nahiz eta beste espedizio batzuetara joateko saitu behin eta berriro.