Erregosi

Erregosi, sukaldaritzan teknika mistoa deitzen den taldekoa da. Kozinatze prozesuan, jakiak, erre eta egosi, biak egiten direlako deitzen zaie teknika mistoa. Sukaldarien artean eztabaida dago erregosi, gisatu eta breseatu edo braisé (frantsesez) teknikaren artean. Eztabaida, hauen arteko bereizketan dago, erregosi hitzak denak barne biltzen dituela esan daiteke.

Erregosi
janari eta jaki
Osagaiak	barazkia

Erregostea sukaldaritzako teknika bat da, oinarrian osagaiak gorritu ondoren denbora luzez bere zukuan egosteari deitzen zaio. Erregostea ongailu edo barazkiekin egiten da normalean eta amaieran bere saltsarekin aurkezten da. Erregosien kasuan normalean saltsak bere horretan aurkezten dira, birrindu gabe. Haragi bigunak edo gogorragoak kozinatu daitezke teknika honekin, solomoa, azpizuna, oilaskoa, ganbak, itsas zapoa, txirlak otarrainxkak besteak beste , baita ere haragi gogorragoak, olagarroa arkumea, behikiak, hegaztiak edo ehiza.

Gisatu teknikan berriz osagaiak gorritu ( saltetau edo frijitu) ondoren elementu likido ugari gehituz egosten dira. Prestatu nahi den jakiari, normalean ongailuak gehitzen zaizkio. Loditzeko berriz, barazkiak, irina, rouxa edo tomate saltsa gehitzen zaio. Gisatuen kasuan normalean saltsa birrindu eta iragazi egiten da. Teknika hau erregosi daitezkeen jaki berdinei aplikatu daiteke.

Breseatu edo braisé, labean edo eltze batean egiten den erregostea bezala defini genezake. Kolorea eman lehenik eta egoste fasea ondoren, likidoak gehituz eta tapatuz burutzen da . Barazki, ongailu eta loditzeko elementuak eraman ditzake.

Labean breseatutako txerri solomoa

Erreferentziak

Ikus, gainera

• Sukaldaritza teknikak

Kanpo estekak

Artikulu hau gastronomiari buruzko zirriborroa da. Wikipedia lagun dezakezu edukia osatuz.