Francisco Sánchez de las Brozas

Francisco Sánchez de las Brozas
Irudi gehiago
Bizitza
Jaiotza	Brozas, 1523 ^(egutegi gregorianoa)
Herrialdea	Espainia
Heriotza	Salamanca, 1601 (77/78 urte)
Hezkuntza
Heziketa	Salamancako Unibertsitatea
Hizkuntzak	gaztelania latina
Jarduerak
Jarduerak	filologoa
Enplegatzailea(k)	Salamancako Unibertsitatea

Francisco Sánchez de las Brozas (Brozas, Cáceres, 1523 – Salamanca, 1601), izengoitiz El Brocense deitua, espainiar humanista izan zen.

Bizitza

Salamancan ikasi zuen, eta hiri hartako Unibertsitatean erretorika, greziera eta filosofia irakatsi zituen. Erasmoren jarraitzaile zen, eta Inkisizioaren aurrera eraman zuten ebanjelioaren gainean idatziriko iruzkin batzuengatik. Erretorikari buruzko liburu batzuk idatzi zituen: De arte dicendi (1556, Mintzoaren antzeaz); Organum dialecticum et rehetoricum (1579, Dialektika eta erretorika egiturez); eta hizkuntza klasikoak ikasteko gramatika-liburuak aurkeztu zituen: Gramaticae Graecae compendium (1581, Gramatika grekoaren laburpena); Arte de saber latín (1595, Latina ikasteko bidea). Jakintza-lanak eta filosofia-lanak ere aurkeztu zituen. Horazioren eta Virgilioren lanak itzuli zituen gaztelaniara, eta Garcilaso poetaren lanen argitalpen kritiko bat prestatu zuen.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.