Františka Stránecká

Františka Stránecká

Bizitza
Jaiotzako izen-deiturakFrantiška Všetečková
JaiotzaVelké Meziříčí, 1839ko martxoaren 9a
HerrialdeaCisleithania
HeriotzaBrno, 1888ko maiatzaren 27a (49 urte)
Hezkuntza
HeziketaGymnázium Jihlava (en) Itzuli
Jarduerak
Jarduerakidazlea, bildumagilea eta prosalaria
Lantokia(k)Brno
Uherské Hradiště eta Velké Meziříčí

Františka Antonie Kajetána Kerschnerová, jaiotzez Všetečková (Velké Meziříčí, 1839ko martxoaren 9a[1] – Brno, 1888ko maiatzaren 27a[2]), Františka Stránecká izengoitiaz ezagunagoa, txekiar idazle eta folklorista izan zen.

Bizitza

[aldatu | aldatu iturburu kodea]
Františka Stráneckáren hilobia (argazkiaren ezkerraldean)

František Všetečkaren alaba, 1839ko martxoaren 9an jaio zen Velké Meziříčín[1][3]. Stránecká Zhořen hazi zen, eta geroago Stránecká izengoiti moduan erabiltzen hasi zen[3]. Hamasei urte zituela, Ignác Kerschnerrekin ezkondu zen[3][4]. Senar-emazteek Berehoven eman zituzten lehen bost urteak, gero Uherské Hradištěra joan ziren bizitzera, eta 1874an Brnora[3]. Stránecká bertan bizi izan zen 1888ko maiatzaren 27an hil zen arte[5][6].

Literatura ibilbidea

[aldatu | aldatu iturburu kodea]

Aita eta neba hil zitzaizkionean, idazten hasi zen tristurari aurre egiteko[5]. Františka Stránecká izengoitia erabili zuen eta 1868an debuta egin zuen Pohádky z Moravy ipuin bildumarekin. Liburu hori Karel Jaromír Erbeni esker argitaratu zen, Eduard Grégr argitaratzaileari gomendatu baitzion[5]. Stráneckák bere benetako nortasuna ezkutatu zuen, baina 1882an Jan Herbenek agerian utzi zuen txekiar eta moraviar idazleei buruzko hitzaldi batean[3].

Stráneckák Moraviako eta Slováckoko ipuinak eta folklorea bildu zituen eta bertako ohiturei eta historiari buruz idatzi zuen[3]. Brodatzeko patroiak, errezetak, abestiak, esaera zaharrak eta haur-jolasak bildu eta aztertu zituen[5][6]. Moraviako jantzi tradizionalak ere deskribatu zituen[5]. Bertako biztanleen bizitzari buruzko istorio laburrak idatzi eta ipuin herrikoiak moldatu zituen[7]. Ženské listy, Světozor, Zlatá Praha, Zora, Beseda, Časopis Matice moravské eta Květy aldizkarietan kolaboratu zuen[6] eta hainbat liburu kaleratu zituen[7].

«Moraviako Božena Němcová» deitzen zioten[7].

Lanak

[aldatu | aldatu iturburu kodea]
  • Pohádky z Moravy (1868)
  • Z našich hor (1877)
  • Z našeho lidu (1882)
  • Některé črty (1885)
  • Z pohoří moravského (1886)[7]
  • Dva Štědré večery (argitaragabea)
  • Moravské národní pohádky (argitaragabea)

Erreferentziak

[aldatu | aldatu iturburu kodea]
  1. ↑ a b (Txekieraz) «Matriční záznam o narození a křtu» Moravský zemský archiv v Brně (Noiz kontsultatua: 2024-10-26).
  2. ↑ (Txekieraz) «Matriční záznam o úmrtí a pohřbu, Brno-Sv. Tomáš» Moravský zemský archiv v Brně (Noiz kontsultatua: 2024-10-26).
  3. ↑ a b c d e f (Txekieraz) «Spisovatelka Františka Stránecká» Vlastivědný věstník moravský 13 (2): 129-130. 1958 (Noiz kontsultatua: 2024-10-26).
  4. ↑ (Txekieraz) «Matriční záznam o sňatku Františky Stránecké s I. Kerschnerem» Moravský zemský archiv v Brně (Noiz kontsultatua: 2024-10-26).
  5. ↑ a b c d e (Txekieraz) «Františka Stránecká» Stránecká Zhoř (Noiz kontsultatua: 2024-10-26).
  6. ↑ a b c (Alemanez) «Stránecká, Františka; verehel. Kerschner, hieß eigentl. Všetečková» Österreichisches Biographisches Lexikon und biographische (Noiz kontsultatua: 2024-10-26).
  7. ↑ a b c d (Txekieraz) «Františka Stránecká» Město Velké Meziříčí (Noiz kontsultatua: 2024-10-26).

Kanpo estekak

[aldatu | aldatu iturburu kodea]