François Girardon

François Girardon
Irudi gehiago
Bizitza
Jaiotza	Troyes, 1628ko martxoaren 17a
Herrialdea	Frantzia
Heriotza	Paris, 1715eko irailaren 1a (87 urte)
Familia
Ezkontidea(k)	Catherine Duchemin ^(mul)  (1657ko urriaren 22a -
Hezkuntza
Hizkuntzak	frantsesa
Irakaslea(k)	François Anguier ^(mul)
Ikaslea(k)	ikusi Pierre Granier ^(en) Sébastien Slodtz ^(en)
Jarduerak
Jarduerak	eskultorea eta artista bisuala
Lan nabarmenak	ikusi Bassin de la Pyramide (Park of Versailles) ^(en) Bassin Plat fond ^(en) Bassin de Saturne, ou de l'Hiver ^(en)
Kidetza	Académie royale de peinture et de sculpture ^(en)
Mugimendua	klasizismoa Barrokoa

François Girardon (Troyes, Frantzia, 1628ko martxoaren 17a - Paris, Frantzia, 1715eko irailaren 1a) frantses eskultorea izan zen.

Biografia

François Anguierrekin ikasi ondoren, Erroman osatu zituen ikasketak. Versaillesko jauregirako egindako apaingarri-multzoengatik da batez ere ezaguna.

Lehenagotik egin zituen zenbait lan, Sarazinen tankerari jarraituz, baina berrikuntza eta originaltasun handirik gabeak, ofizialismoaren baitakoak. Versaillesen lanean hasi zenez gero asmatu zituen forma berriak eta hartu zituen garai hartako joeren ezaugarriak, adibidez, Apoloren galeriarako egindako lanetan. Le Brunekin lan egin zuen lorategi haietan. Teknika eta estilistika berezia eta dotoretasuna ageri du Apollon servi par les nymphes (1666-1675) multzoak, eta Poussinen eragina nabarmentzen da bai lan horretan bai Ninfen bainua (1670 ing.) eskulturan.

Versaillesko lanez gainera, oroigarrizko monumentuak egin zituen, besteak beste, hauek: Richelieuren hileta-monumentua (1675-1677), Sorbonako elizan; Parisko hiriaren eskariz, Luis XIV.aren zaldi gaineko estatua (Frantziako Iraultzan desegina).

Wikimedia Commonsen badira fitxategi gehiago, gai hau dutenak: François Girardon

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.