Fusobacterium

Fusobacterium
Irudi gehiago
Sailkapen zientifikoa
Erreinua	Fusobacteriati
Filuma	Fusobacteriota
Klasea	Fusobacteriia
Ordena	Fusobacteriales
Familia	Fusobacteriaceae
Generoa	Fusobacterium [[|]]
Datu orokorrak
Gaixotasuna	Vincenten angina

Fusobacterium generoa bakterio Gram negatiboz osatuta dago, bazilo itxura dutenak. Bazilo hauek luzeak dira, eta haritsuak (harizpiak eratzen dituzte). Anaerobio hertsiak dira eta ez dute esporarik sortzen.

Ahoan eta hestean bizi ohi dira, ingurune anaerobioetan (esaterako, ahoko zirrikituetan, heste lodiaren oxigenorik gabeko tokietan...).

Fusobacterium-en ezaugarri biokimiko nagusiak honako hauek dira:

• anaerobio hertsiak (O/H: -/+)

• katalasa (-)

• ez dute zitokromorik

• gluzidoak hartzitzen dituzte azido butirikoa sortuz.

Fusobacterium necrophorum-ek Borrelia bakterioarekin elkartzen denean Vincent-en angina eragiten du, ahoko infekzio bat, hortzoiak jotzen dituena. Honetaz gain, bakterio horrek Lemierren gaitza ere sor dezake, zainen tronbosi larria, eztarriko infekzio baten ez-ohiko konplikazioa dena.