Giorgio Marengo

Giorgio Marengo
	; Irudi gehiago
San Giuda Taddeo Apostolo (en) kardinal
apezpiku tituludun
parroko
Bizitza
Jaiotza	Cuneo, 1974ko ekainaren 7a (50 urte)
Herrialdea	Italia
Hezkuntza
Heziketa	Pontifical Urbaniana University (en)
Hizkuntzak	italiera
Jarduerak
Jarduerak	apaiz katolikoa eta apezpiku katolikoa
Sinesmenak eta ideologia
Erlijioa	Erromatar Eliza Katolikoa; katolizismoa
Erlijio-ordena	Consolata Missionaries (en)

Giorgio Marengo (Cuneo, 1974ko ekainaren 7a) italiar kardinala da^[1], Ulan Batorko prefektu apostolikoa^[2].

Bizitza

Haurtzaroan eskauta zen eta gaztaroan eskrima praktikatu zuen. Kontsolataren misiolari bat ezagutu zuen, eta handik denbora batera apaiz kristaurik ez dagoen lekuetara bidaltzen dituen kongregazio honetan sartzea erabaki zuen^[3].

2001eko maiatzaren 26an apaiztu zen, 27 urte zituela^[4].

2003an, hogeita bederatzi urte zituela, Mongoliara joan zen beste bi apaiz eta bi mojekin. Hiru urte eman zituen mongoliera ikasteari. Arvaikheerren finkatu ziren, Ulan Batortik 430 kilometrora dagoen hirian. Bertan ez zegoen eliza katolikorik. Hirira iristean, bertako biztanleek espioitzat hartzen zituzten. 2010ean emakume talde bat bataiatu ziren, gero haien senarrak eta gainerako senideak. 2022an, Mongoliako katolikoen kopurua 1470 pertsonakoa zen. Marengok «kultura baten bihotzean Ebanjelioa xuxurlatu» esamoldea erabiltzen du. Mongolian jaiotako lehen apaiza 2016an ordenatu zen, eta bigarrena 2021ean^[3].

2020ko apirilaren 2an, Frantzisko aita santuak Castra Severianako apezpiku titular eta Ulan Batorko prefektu apostoliko izendatu zuen^[2]. 2020ko abuztuaren 8an apezpiku ordenatu zuten. Geroztik, Marengo zortzi parrokik osatutako Mongoliako eliza katolikoaren buruan dago^[3].

2022ko abuztuaren 27an Frantzisko aita santuak kardinal izendatu zuen^[1], eta 2022ko urriaren 7an, Ebanjelizatzeko Dikasterioko kide izendatu zuen^[5].