Giza Duintasunaren aldeko Aliantza Comhaontas Dhínit an Duine Human Dignity Alliance | |
---|---|
Lehendakaria | Rónán Mullen |
Sorrera | 2018ko ekainaren 29an |
Egoitza nagusia | 17 Claremont Drive, Dublin 11 |
Ideologia politikoa | Hilaurtzearen aurkakoa Kontserbadurismoa Kontserbadurismo soziala Kristau eskuina |
Nazioarteko kidetza | Europako Kristau Higikunde Politikoa (ECPM)[1] |
Eserlekuak erakundeetan | Seanad Éireann: 1 / 60 |
hdalliance.ie |
Giza Duintasunaren aldeko Aliantza (irlanderaz: Comhaontas Dhínit an Duine, ingelesez: Human Dignity Alliance) Eireko Errepublikako alderdi politikoa da, 2018ko ekainaren 29an Rónán Mullen senatariak sortua.[2]
Mullen, alderdiaren sortzailea, 2007tik Eireko Nazio Unibertsitatearen hautesbarrutian senatari beregain jardun du. 2014an arrakasta barik Midlands-North-West hautesbarrutirako aurkeztu zen. Mullen 2015eko erreferendumean sexu berekoen arteko ezkontzaren eta 2018ko erreferendumean hilaurtzearen aurkako kanpainetan nabarmendu zen.[3][4] Europako Kristau Higikunde Politikoaren kidea da.[5]
Giza Duintasunaren aldeko Aliantza urtero biltzen zen Leinster Etxeko talde politiko batetik jaio zen. Alderdia Europako Legebiltzarrerako eta Oireachtaserako hauteskundeetan esku hartzeko erregistratuta dago.[6] Mullenek alderdia "su txikian" hasi eta denboraren poderioz haziko zela aurreikusi zuen.[2] Teachta Dála –Dáil Éireanneko diputatu– beregain Mattie McGrathek Giza Duintasunaren aldeko Aliantzarekin bat egitea baztertu zuen.[7]