Gregorio Fernández

Gregorio Fernández
Irudi gehiago
Bizitza
Jaiotza	Sarria, 1576ko apirila
Herrialdea	Espainia
Heriotza	Valladolid, 1636ko urtarrilaren 22a (59 urte)
Hezkuntza
Hizkuntzak	gaztelania
Ikaslea(k)	ikusi Francisco Fermín ^(en)
Jarduerak
Jarduerak	eskultorea eta arkitektoa
Lan nabarmenak	ikusi Q20106765 Pieda ^(en) Altarpiece of the purist ^(en) Q84505041 Q111659047 Q113164617 Q113027679
Mugimendua	Barrokoa

Gregorio Fernández (Sarria, Lugoko probintzia, 1576ko apirila – Valladolid, 1636ko urtarrilaren 22a) espainiar eskultorea izan zen.

Arte jarduera

Gaztelako eskultura polikromoaren ordezkari behinen eta emankorrenetarikoa izan zen. Errealismoa irudien aurpegieran islatu zuen; estasia edo oinazea adierazten duten aurpegiak dira, oro har, eta bere garaiko Espainiako mistizismoaren ezaugarriak dituzte.

Gregorio Fernándezen obra erlijiozkoa izan zen erabat: irudi askeak, erretaulak eta, batez ere, Jesu Kristoren Pasioko atalak (Aste Santuko pasoak) egin zituen.

Obra gehienak Valladoliden dauden arren, bere lantegitik ateratako lanak Gaztela bietara eta Euskal Herrira ere iritsi ziren (Gasteizko San Migel elizako erretaula; Bergarako Errege Mintegian dagoen San Ignazioren taila, Eibarkoa, 1936ko Gerran suntsitua eta abar). Eragin handia izan zuen Penintsula osoan. Haren obretariko batzuk hauek dira: San Miguel elizako erretaula eta San Ignazio, San Frantzisko Xabier, San Frantzisko Borjakoa estatua askeak (Valladolid); Jesu Kristoren Bataioa, Santa Teresa, San Bruno (Valladolideko Museoa); Jesu Kristo etzana lanak (Madrilgo Encarnación komentua, Valladolideko Santa Ana komentua).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Gregorio Fernández