Hella Jongerius

Hella Jongerius
Irudi gehiago
Bizitza
Jaiotza	De Meern ^(en) , 1963ko maiatzaren 30a (61 urte)
Herrialdea	Herbehereetako Erresuma
Lehen hizkuntza	nederlandera
Hezkuntza
Heziketa	Design Academy Eindhoven ^(en) European Ceramics Work Center ^(en) (1997ko uztailaren 14a - 1997ko urriaren 10a) European Ceramics Work Center ^(en) (2000ko otsailaren 14a - 2000ko maiatzaren 26a) European Ceramics Work Center ^(en) (2018ko irailaren 13a - 2018ko urriaren 10a) European Ceramics Work Center ^(en) (2020ko abenduaren 26a - 2021eko urtarrilaren 13a) European Ceramics Work Center ^(en) (2021eko otsailaren 18a - 2021eko martxoaren 3a)
Hizkuntzak	nederlandera ingelesa
Jarduerak
Jarduerak	diseinatzailea, unibertsitateko irakaslea, ceramics designer ^(en) , oihal diseinatzailea eta industrial designer ^(en)
Parte-hartzailea Say Hello, Wave Goodbye ^(en)
Lantokia(k)	Rotterdam Berlin 's-Hertogenbosch Oisterwijk ^(en) Oisterwijk ^(en) Oisterwijk ^(en)  eta 's-Hertogenbosch
Enplegatzailea(k)	Design Academy Eindhoven ^(en) Weißensee Academy of Art Berlin ^(en)
Jasotako sariak	ikusi Sikkens Prize  (2017) BNO Piet Zwart Prijs  (2021) Rotterdam Design Prize  (2003)
Kidetza	Beroepsorganisatie Nederlandse Ontwerpers ^(en)
jongeriuslab.com

Light installation.

Hella Jongerius (jaiotzez Wilhelmina Maria Cornelia Jongerius; De Meern, Utrechteko probintzia; 1963ko maiatzaren 30a) holandar Industria-diseiinatzailea da.

Biografia

1993an Eindhoveneko Diseinu Akademian sartu zen. Urte horretan bertan Jongeriuslab izeneko bere diseinu estudioa sortu zuen, Rotterdamen. ^[1] 2008an bere estudioa Berlinera eraman zuen. 2012tik Vitra enpresan (Basilea, Suitza) lan egiten du kolore, ehungintza eta gainazal arte zuzendari gisa. ^[2]

Jongeriuslab

Estudio honekin, Hellak ehungintza, zeramika eta altzarien diseinua landu du. Bere sorkuntzak artisaua eta industriala, goi- eta behe-teknologia, tradizionala eta garaikidea konbinatzen ditu. Marketarako proiektuak egin zituen: Maharam (New York), KLM (Herbehereak), Vitra (Suitza), IKEA (Suedia) eta Royal Tichelaar Makkum (Herbehereak). ^[1]

1994an, Hellak Droog Design-erako poliuretanozko oft urn and soft loreontzien seriea diseinatu zuen. Geroago, 1998an, B-set bilduma egin zuen, Royal Tichelaar Makkum-entzat industrialki ekoitzitako baxera nahita inperfektua. Urtebete geroago, Jongeriusek Kasese apar-aulkia eta Sheep aulkia sortu zituen Cappellinirentzat (Milan). 2002an, Swarovskirentzat (Londres) Crystal frock ganderailu eta Maharamentzat (New York) repeat tapizeria seriea diseinatu zuen. Bi urte geroago, 2004an, Nymphenburg Portzelana Fabrikarako ( Munich, Alemania) animal bowls platerrak sortu zituen. 2005ean, Vitraren polder sofa asimetriko ikonikoa diseinatu zuen, baita PS Jonsberg loreontziak IKEArentzat (Suedia). 2006an, Vitrarako lanera itzuli zen, worker chair aulkiarekin . ^[2]

Diseinuarekiko jarrera

Hellak uste du guztiz berria sortzea ez dela diseinatzeko modu bakarra. Berarentzat, azal-aldaketa batek objektua berdina ez izatea ekar dezake. Horregatik, gehien nabarmentzen den alorretako bat ehungintza diseinua da, eta horregatik gaur egun Vitra museorako kolore liburutegi bat sortzen ari da. Patroi, ehundura eta kolore aldaketek garrantzi handia hartzen dute bere diseinatzeko moduan, produktuari esanahi berri bat ematen diotelako. Diseinatzaile honi material berriak esploratzea gustatzen zaio, baita gaur egun beste era batera erabiltzen diren beste batzuei erabilera berri bat ematea ere.

Industria-diseinatzaile gehienek ez bezala, Hellak ez du metodo zorrotz bat jarraitzen, beretzat diseinua prozesuan ematen delako. Erabiltzaileak produktuarekin duen esperientzia ere pentsatzen du, eta horregatik diseinatu zuen lehen mailako hegazkinen kabina, pertsona batek ordu askotan hegazkin barruan eserita egotean jasaten duen ondoeza murrizteko helburuarekin. ^[3]

Argitalpenak

• 2003, Hella Jongerius, Phaidon argitaletxeak argitaratua
• 2011, Misfits, Phaidon argitaletxeak argitaratua ^[2]

Erreferentziak

1. ↑ Jongeriuslab studio. Information. .
2. ↑ Jongeriuslab studio. CV Hella Jongerius. .
3. Dezeen. Why create another piece of furniture?. .

Kanpo estekak