Helmut Heissenbüttel

Helmut Heissenbüttel
Bizitza
Jaiotza	Wilhelmshaven eta Rüstringen, 1921eko ekainaren 21a
Herrialdea	Alemania
Heriotza	Glückstadt, 1996ko irailaren 19a (75 urte)
Heriotza modua	berezko heriotza: pneumonia
Hezkuntza
Hizkuntzak	alemana
Jarduerak
Jarduerak	idazlea, poeta, antzerkigilea eta ipuingilea
Parte-hartzailea documenta 8 ^(en)
Jasotako sariak	ikusi Georg Büchner saria  (1969) Officer's Cross of the Order of Merit of the Federal Republic of Germany  (1979) Heinrich-Böll-Preis  (1984) Europar literaturaren Austriako saria  (1990) [[]]  (1978) [[]]  (1956) Hugo-Jacobi-Preis  (1960) Hörspielpreis der Kriegsblinden  (1971) [[]]  (1990)
Kidetza	Alemaniako hizkuntza eta literatura akademia Berlingo Arteen Akademia
Mugimendua	Gruppe 47a
Genero artistikoa	saiakera
Zerbitzu militarra
Parte hartutako gatazkak	Bigarren Mundu Gerra

Helmut Heissenbüttel (Rüstringen, Wilhelmshaven, Alemania, 1921eko ekainaren 21a - Glückstadt, Alemania, 1996ko irailaren 19a) alemanezko idazlea izan zen.

Biografia

Arkitektura, artearen historia eta filologiako ikasketak egin zituen, Dresdenen eta Leipzigen 1942tik 1945era bitartean, eta Hanburgon 1946tik aurrera. 1955ean, Claasen argitaletxean hasi zen lanean, irakurle gisa, eta 1957an, Stuttgarten, Süddeutscer Rundfunk irratian. Beste sari askoren artean, 1990ean, Schleswig-Holstein Arteen Saria eta Austriako Literatura Sari Nazionala jaso zituen.

F. Mon, E. Gomringer eta Heiinz Gappmayrrekin batera, Heissenbüttel poesia konkretuaren sortzaile eta sustatzaileetako bat izan zen. Hasieran, hizkuntza tresna gisa erabili ordez, jolas gisa erabiltzeko saio abangoardista besterik ez bazen ere, beste definizio bat eta beste zentzu bat eman zien literaturaren mugei eta aukerei, lehenengo argitalpenetan bertan argi geratu zen bezala: Kombinationen (1954, Konbinazioak) eta Topographien (1956, Topografiak).

Poesia-molde tradizionala ez zen egokia berak lortu nahi zuenerako, eta, beraz, molde batere ez konbentzionalak erabiltzea proposatzen zuen, muntaketaren, pilaketaren eta antzeko beste metodo batzuen bidez, hizkuntza-inbentarioa egiteko.

Poesiaz gainera, saiakerak idatzi zituen, literaturari buruzkoak gehienak: Über Literatur (1966, Literaturaz), Textbücher 1-6 (1960-1967, Testuliburuak 1-6). 1970ean Projekt Nr. 1 (1. proiektua) argitaratu zen, izenburu bereko liburu-sail bateko lehenengoa, irekitako bideari jarraitzeko asmoz. Liburu horien bidez Heissenbüttel gertaera sozialak, historikoak eta politikoak islatzen saiatu zen, irakurleak bakarrik zehaztu behar dituen formak erabiliz. Beste lan batzuk: Textbuch 10. Von Liebeskunst (1986, 10 testuliburua. Maitatzeko arteaz), Fünf Kommentare und sechs Gedichte (1987, Bost iruzkin eta sei poema).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.