Hugo Banzer

Hugo Banzer
Irudi gehiago
75. Boliviako presidentea 1997ko abuztuaren 6a - 2001eko abuztuaren 7a ← Gonzalo Sánchez de Lozada - Jorge Quiroga → Hautetsia: 1997 Bolivian general election ^(en) 62. Boliviako presidentea 1971ko abuztuaren 21a - 1978ko uztailaren 21a ← Juan José Torres - Juan Pereda →
Bizitza
Jaiotza	Concepción ^(en) , 1926ko maiatzaren 10a
Herrialdea	Bolivia
Heriotza	Santa Cruz de la Sierra, 2002ko maiatzaren 5a (75 urte)
Heriotza modua	berezko heriotza: birikako minbizia
Hezkuntza
Heziketa	Western Hemisphere Institute for Security Cooperation ^(en)
Hizkuntzak	gaztelania
Jarduerak
Jarduerak	militarra eta politikaria
Jasotako sariak	ikusi Grand Officer of the Order of the Condor of the Andes Elisabet Katolikoaren Ordenaren lepokoa  (2000) [[]]  (1976)
Zerbitzu militarra
Adar militarra	Bolivian Army ^(en)
Gradua	jeneral
Sinesmenak eta ideologia
Alderdi politikoa	Nationalist Democratic Action ^(en)

Hugo Banzer Suárez (Santa Cruz, Bolivia, 1926ko maiatzaren 10a - Santa Cruz de la Sierra, Santa Cruz, Bolivia, 2002ko maiatzaren 5a) boliviar politikari eta militarra izan zen. Boliviako Errepublikako lehendakaria izan zen 1971-1978 eta 1997-2001 bitarteetan.

Biografia

Hezkuntza- eta Kultura-ministroa izan zen 1964-1966 urteetan, René Barrientos jeneralaren diktaduraren garaian. 1969an Ovando lehendakariak armadaren Akademia Militarreko zuzendari izendatu zuen. 1971ko urtarrilean, bere agindupeko kadeteen buru zela, indarrez hartu zuen armadaren Estatu Nagusia, eta Juan José Torres jeneralak kargutik kendu zuen, erregimenaren kontra konspiratzea leporaturik. Hilabete batzuk Argentinan erbesteraturik egon ondoren, Boliviara itzuli zen eta 1971ko abuztuan estatu-kolpea eman zuen Torres jeneralaren gobernu populistaren kontra, MNR (Mugimendu Nazionalista Iraultzailea) eta FSB (Boliviako Falange Sozialista) lagun zituela, eta beretzat hartu zuten lehendakari-kargua. 1975ean legez kanpo utzi zituen alderdi politikoak eta erakunde sindikalak.

1979an ADN alderdi eskuindarra sortu zuen (Ekinbide Demokratiko Nazionala), eta urte horretan bertan hirugarren tokia lortu zuen lehendakaritzarako hauteskundeetan. Handik gutxira, epaitu egin zuten konstituzioaren funtsezko arauak eta gizabanakoaren oinarrizko eskubide eta askatasunak urratzeagatik, baina 1980an barkamena eman zioten. Banzerren alderdiak botoen % 16,8 lortu zituen urte horretako hauteskundeetan, eta Víctor Paz Estenssororen eta Jaime Paz Zamoraren gobernuetan esku hartu zuen. 1997an Hugo Banzerrek lehendakaritzarako hauteskundeak irabazi zituen, ADN alderdiaren buruzagi gisa botoen % 22,3 eskuraturik. 2001ean dimisioa eman zuen, osasun arazoak zirela medio, eta birikako minbiziak jota 2002ko maiatzaren 5ean hil zen.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.