Inmarsat

Inmarsat
Datuak
Mota	negozioa, enpresa eta nazioarteko erakundea
Jarduera sektorea	mobile phone industry ^(en) eta Satelite bidezko komunikazioa
Herrialdea	Erresuma Batua
Jarduera
Kidetza	Global Satellite Operators Association ^(en) eta Satellite Industry Association ^(en)
Honen parte	FTSE 100
Eskumendekoak	Stratos Global Corporation ^(en)
Enplegatuak	596 (2013)
Agintea
Lehendakaria	Andrew Sukawaty ^(en)
Zuzendari exekutiboa	Rajeev Suri ^(en)
Egoitza nagusi	Londres
Legezko forma	public limited company ^(en)
Jabea	Viasat ^(en)
Ekonomia
Diru-sarrerak	1.285.900.000 $ (2014)
Irabazi garbia	341.100.000 $
Ustiapen-mozkina	409.300.000 $
Balore-burtsa	Londresko burtsa
Historia
Sorrera	1979
Jasotako sariak	MacRobert Award  (2010)
webgune ofiziala

Inmarsat lur, aire eta itsasoz komunikatzeko satelite-sistema kudeatzen duen nazioarteko erakundea da, egoitza Londresen duena. Helburutzat bakea zuela sortu zen, eta 1979an hasi zen lanean, mundu osoan satelite bidezko merkataritza-garraioetan komunikazioa emateko. Ondoren, 1985 eta 1988 artean, komunikazio aeronautikoetara eta lurrekoetara hedatu zuen bere jarduna. 1995ean 78 estatu kide ziren.

Inmarsat sateliteen eta Europako Espazio Agentziari alokatutako beste satelite batzuei esker, erakundeak zerbitzu ugari eskaintzen ditu: telefonoa, telexa, faxa, posta elektronikoa, kokalekuari eta egoerari buruzko informazio automatikoa lur eta aireko garraiobideetarako, eta segurtasunerako eta sorospenerako zerbitzuak. 1992an lurreko 25.000 erabiltzaile baino gehiago zituen. Sarea eguneko 24 orduetan kontrolatzen dute. Kide diren estatuak bi urtetik behin biltzen dira batzar nagusian, egindako lanak ikuskatzeko, helburuak erabakitzeko eta kontseiluari aholkuak emateko. Kontseilua gutxienez urtean hirutan biltzen da, eta inbertsio handiena egin duten 18 herrialdeez eta garapen bidean daudenen interesak defendatzen dituzten beste lau herrialdeez dago osaturik. Haren eguneroko lana ikuskatzen duen administrazio-organoa, azkenik, direktorioa da.

Kanpo estekak

• (Ingelesez) Inmsarten web-orria

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.