István Friedrich

István Friedrich
(1919) Irudi gehiago
Hungariako defentsa ministroa 1919ko azaroaren 24a - 1920ko martxoaren 15a ← Ferenc Schnetzer ^(en) - Károly Soós ^(en) → Hungariako lehen ministro 1919ko abuztuaren 15a - 1919ko azaroaren 24a ← István Friedrich - Károly Huszár → Hungariako lehen ministro 1919ko abuztuaren 7a - 1919ko abuztuaren 15a ← Gyula Peidl - István Friedrich → estatu-idazkari
Bizitza
Jaiotza	Malacky, 1883ko uztailaren 1a
Herrialdea	Hungaria
Heriotza	Vác ^(en) , 1951ko azaroaren 25a (68 urte)
Hezkuntza
Heziketa	Budapest University of Technology and Economics ^(en) 1905) Berlingo Unibertsitate Teknikoa Eötvös Loránd University ^(en)
Jarduerak
Jarduerak	politikaria, ingeniari mekanikoa, futbol arbitroa eta futbolaria
Ibilbidea Taldeak Urteak J G Hungariako futbol selekzio nazionala 1904 / 1904 1 0
Posizio edo espezialitatea	wing half ^(en)
Sinesmenak eta ideologia
Alderdi politikoa	Party of Independence and '48 ^(en) Christian National Party ^(en)

István Friedrich (Malacka, Austria-Hungariako Inperioa, gaur egun Eslovakia, 1883ko uztailaren 1a – Vác, 1951ko azaroaren 25a) hungariar futbolari, ingeniari eta politikaria izan zen. Hungariako estatuburu eta lehen ministroa izan zen 1919ko abuztutik azarora.

Austria-Hungariako Inperioan jaio zen, alemaniar familia batean. Műegyetemi AFC taldean jokatu zuen futbola eta 1904an Hungariako futbol selekzio nazionalarekin partida bat jokatu zuen.

1905ean ingeniaritzan graduatu zen Budapesteko Eötvös Loránd Unibertsitatean, eta Berlingo Unibertsitate Teknikoan ikasketak zabaldu zituen. Zuzenbidea ere ikasi zuen. Alemanian AEGn ingeniari aritu zen, Hungarian makineria fabrika bat izan zuen eta Estatu Batuetan emigratzaile izan zen zortzi urtez. 1912an, logia masoniko batekin eta Mihály Károlyiren Independentziaren Alderdiarekin bat egin zuen.

Austrohungariar armadako artilleriako tenientea izan zen Lehen Mundu Gerran. Gerraren ondoren, Karolyren gobernuko kide izan zen, baina berarekin aurrez aurre amaitu zuen alderdiko atalik kontserbadoreenarekin bat egin zuenean. Sobietar Errepublika Hungariarrean heriotza-zigorra ezarri zioten, baina ihes egitea lortu zuen.

1919ko abuztuko estatu-kolpean Josef Augusto Austriakoa artxidukea erregeorde bihurtu zen eta Friedrich izan zen lehen ministro berria. Abuztuaren 7an, sobietar erakundeak deuseztatu zituen eta jabetza pribatua berrezarri zuen industrian, merkataritzan eta nekazaritzan. Abuztuaren 23an Josef Augustok boterea utzi zuen eta Friedrichek estatuko buruzagitza behin-behinean hartu zuen. Bere gobernua Errumaniako armadak Hungaria okupatu izanak eta Miklos Horthy almirantearen botereak ahuldu zuten.

1919ko azaroan Károly Huszár buru zuen koalizio gobernu bati boterea utzi zion. 1920tik 1930era alderdi demokristau txiki bateko diputatua izan zen. 1951n gobernu komunistak atxilotu zuen eta hamabost urteko kartzela-zigorra ezarri zioten, baina urte horretan bertan hil zen. 1990ean errehabilitatu zuten.