Jean Orry

Jean Orry
Bizitza
Jaiotza	Paris, 1652ko irailaren 4a
Herrialdea	Frantziako Erresuma
Heriotza	Paris, 1719ko irailaren 29a (67 urte)
Familia
Seme-alabak	ikusi Philibert Orry Jean-Louis Henri Orry ^(en)
Hezkuntza
Hizkuntzak	frantsesa gaztelania
Jarduerak
Jarduerak	ekonomialaria, legal administrator ^(en) , politikaria eta Handikia
Jasotako sariak	ikusi Order of Saint Michael

Jean Orry (Paris, 1652ko irailaren 4a - ibidem, 1719ko irailaren 29a) Espainiaren zerbitzuan izan zen frantses ekonomialaria, eta Vignoryko jauna. Finantza-kontuetan aditua zen. 1702an Luis XIV.ak Espainiara bidali zuen Filipe V.aren aholkulari izan zedin. 1713tik 1715 arte Lehen Ministro gisa jardun zuen Ursins printzesaren babesari esker, eta Espainiako administrazioa eraberritu zuen frantses ereduari jarraituz: administrazioa zentralizatu zuen, lehentasuna eman zion Gaztelako Kontseiluari, foruak kendu zituen Aragoiko gortean eta katastroa ezarri zuen Katalunian. Herriak gaitzetsi egin zuen; kargua utzi behar izan zuen Alberoniren eta Elisabet Farnesioren eraginez eta Frantziara itzuli zen.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/30 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.