Jean Webster

Jean Webster
Irudi gehiago
Bizitza
Jaiotza	Fredonia, 1876ko uztailaren 24a
Herrialdea	Ameriketako Estatu Batuak
Heriotza	New York, 1916ko ekainaren 11 (39 urte)
Heriotza modua	: arazo puerperala
Familia
Aita	Charles L. Webster
Haurrideak	ikusi Samuel Charles Webster ^(en)
Hezkuntza
Heziketa	Vassar College ^(en) State University of New York at Fredonia ^(en)
Hizkuntzak	frantsesa ingelesa
Jarduerak
Jarduerak	idazlea, eleberrigilea, antzerkigilea, gidoilaria, kazetaria, haur literaturaren idazlea, ipuingilea eta umorista
Izengoitia(k)	Jean Webster

Jean Webster (jaiotzez Alice Jane Chandler Webster, Fredonia, New York 1876ko uztailaren 24a ; † New York , 1916ko ekainaren 11 ) estatubatuar idazle eta kazetaria izan zen, batez ere emakumeen gaiak jorratu zituena.

Biografia

Jane alaba bakarra izan zen, Annie Moffet Webster eta Charles Luther Websterrena eta Mark Twain-en iloba ere bazen. Bere aita Twainen lankidea izan zen eta harekin batera Charles L. Webster & Co. argitaletxearen jabea izan zen. 1894tik 1896ra Alice Binghamton-eko (New York) Lady Jane Grey barnetegira joan zen. 1897an, Poughkeepsieko Vassar Collegera joan eta han jarraitu zuen 1901etik graduondoko kide gisa. Laster hasi zen Poughkeepsie Sunday Courier eta Vassar Miscellany aldizkarietan idazten. Unibertsitatean Adelaide Crapseyrekin adiskidetasun estua garatu zuen, eta 1914an hil zen arte iraun zuen. Unibertsitatean graduatu ondoren, Websterrek New York hirira joatea erabaki zuen idazle izateko.

Jean Websterrek emakume gazteei zuzendutako ipuinak eta antzerkiak idatzi zituen batez ere. Bere lehen eleberria, 'When Patty Went to College', 1903an argitaratu zen eta emakumezkoen unibertsitate bateko bizitza anitza deskribatzen du. Hurrengo urteetan, Websterrek zortzi eleberri eta argitaratu gabeko istorio eta antzezlan ugari idatzi zituen. Bizigarri agertzen dira, errealistak eta umoretsuak. Bere eleberririk ezagunena Daddy-Long-Legs eleberri epistolarra da.

Jean Webster 1916ko ekainaren 11n hil zen alaba batez erditu ostean.

2023 bitartean, ez da haren lan euskaraturik, EIZIEren itzulpen datubasearen arabera.^[1]

Bibliografia

• When Patty Went to College (1903)
• Wheat Princess (1905)
• Jerry Junior (1907)
• Four-Pools Mystery (1908)
• Much Ado About Peter (1909)
• Just Patty (1911)
• Daddy-Long-Legs (1912)
• Dear Enemy (1915)

Erreferentziak

1. «NorDaNor | EIZIE» nordanor.eus (Noiz kontsultatua: 2023-10-22).

Kanpo estekak

• Artikulu hau, osorik edo zatiren batean, alemanezko Wikipediako «Jean Webster» artikulutik itzuli da; zehazki, 2020-09-12ko bertsio honetatik. Izan ere, artikulu horretan aritu diren wikilariek GFDL edo CC-BY-SA 3.0 lizentziekin argitaratu dute beren lana.