Jockey

Jockey

Jockeya zaldi lasterketetan lehiatzen den zaldizkoa da.

Etimologia

Jockey hitza jatorriz eskoziarra zen Jack izenaren txikigarria zen. Beraz, Joantxu edo Jontxu bezala itzul zitezkeen. "Mutil edo bikotekidea" modu orokorrean ere erabiltzen da, 1520ko hamarkadatik aurrera behintzat. 1660ko hamarkadaz geroztik "lasterketetan zaldia gidatzen duen pertsona" izendatzeko erabili da, hau da, zaldizkoa. Ingelesaren argot amerikarrean, jock ("gizon atletikoa") hitzaren txikigarri bezala erabiltzen da.

Ezaugarri fisikoak

Batez besteko jockeyak gorpuzkera arina baina atletikoa du eta normalean 49 eta 54 kg arteko pisua du. Lasterketaren araudiaren eta lasterketaren arabera, zaldiak 48 eta 61 kg arteko pisua eramaten dute, jockeyaren ekipoa barne.

Jockeyentzako altuera mugarik ez dagoen arren, orokorrean nahiko baxuak dira pisu mugak direla eta. Normalean 1,47 m eta 1,68 m artean neurtzen dute.

Jockey-eskola batzuek onartzeko gehienezko muga hau ezartzen dute: 22 urte, 1,60 metroko altuera eta 50 kg-ko pisua.

Jockeyaren lana

Normalean ez dira enplegatuak izaten, baizik eta entrenatzaileek eta zaldi jabeek aukeratzen dituzte soldata bat gehi garaipen bakoitzeko aparteko kopuru baten truke. Lasterketetan zalditegiaren koloreak erakusten dituzte.

Sariak daude Sari Nagusiak eta Estatistika Nazionalak irabazi dituzten jockeyentzat.