Jose Ignazio Urbieta

Jose Ignazio Urbieta
Bizitza
Jaiotza	Deba, 1915eko abenduaren 12a
Herrialdea	Gipuzkoa, Euskal Herria
Heriotza	1999ko maiatzaren 17a (83 urte)
Hezkuntza
Hizkuntzak	gaztelania; euskara
Jarduerak
Jarduerak	futbolaria eta dekoratzailea
Ibilbidea

Jose Ignazio Urbieta Egaña (Deba, 1915eko abenduaren 12a - 1999ko maiatzaren 17a) futbolaria, dekoratzailea eta erraldoien zein buruhandien fabrikatzailea.

Biografia

Deban jaioa, herriko merkatarien semea. Ikasketak Bartzelonako Salesianos ikastetxean egin zituen. Gerra Zibilaren ondoren, 1941tik 1962ra futbolaren munduan murgildu zen, talde desberdinetan jokatuz: Erreala, Deportivo Alavés, Unión Deportiva Las Palmas, Barakaldo CF, Indautxu Kirol Elkartea, Osasuna futbol kluba... Jokalari bezala jokatzeari utzi zionean entrenatzaile bezala aritu zen ere bai.

Futboletik kanpo, dekoratzailea eta imajinagilea zen. Tailerrak Donostian, Gasteizen eta Deban izan zituen. Arte munduan lan garrantzitsuak burutu zituen: Berriatuako kupularen zaharberritzea, Debako Santa Maria elizaren sakristia... 1969an Jorge Oteizak Deban sortu zuen Arte Eskolan aritu zen ere bai.

Baina batez ere kale animaziorako asmatu zituen festetarako karrozek, erraldoiek eta buruhandiek ospe handi eman zioten.^[1] Lan horietan teknika asko erabili zituen, tradizionalak eta berriak, batez ere XX. mendeko 80. hamarkadatik aurrera. Urbietak buruhandien eta erraldoien tradizioa indartu zuen Gipuzkoan. Bilboko Gargantua ere bere lana izan zen.^[1]

Erreferentziak

↑ ^a ^b Urdangarin, C. (2004). José Ignacio Urbieta: fabricante de gigantes y cabezudos. Revista Deba, (57).

Bibliografia

Erraldoi eta buruhandiak 1999-2009. Jose Ignacio Urbietaren omenez. Debako Udala, 2009.

Ikus, gainera

Kanpo estekak

(Gaztelaniaz): BD Futbol webgunean Urbietaren fitxa.

Datuak: Q51105075

[:0-1] Urdangarin, C. (2004). José Ignacio Urbieta: fabricante de gigantes y cabezudos. Revista Deba, (57).

[1]