Kimika organikoan karbodiimida (IUPAC: metanodiimina) RN=C=NR formulako funtzio-taldea da. Karbodiimida guztiak sintetikoak dira[1].
Dialkilkarbodiimidak egonkorrak dira. Bestetik, giro-tenperaturan likidoak diren diarilkarbodiimidak dimeroak eta polimeroak osatzeko joera dute. Aitzitik diarilkarbodiimida solidoak egonkorrak dira, nahiz eta urik dagoenean hidrolizatzeko joera duten[2].
Karbodiimidak sintetizatzeko molde klasikoa tioureen deshidrosulfurazioa da, merkurio oxidoaren moduko erreaktiboak usatuz[3].
Isozianatoetatik abiatuz ere lor daitezke karbodiimidak, fosfina-oxidoak katalizatzaile gisa usatuz[4].
Erreakzioa itzulgarria da
Karbodiimidak erreaktibo gisa baliatzen dira sintesi organikoan. Adibidez N,N'-diziklohexilkarbodiimida (DCC) amidak eta esterrak sintetizatzeko baliatzen da, bereziki peptidoen sintesian fase solidoan.