Kateryna Justxenko

Kateryna Justxenko
Irudi gehiago
3. First Lady of Ukraine ^(en) 2005eko urtarrilaren 23a - 2010eko otsailaren 25a ← Lyudmyla Kuchma - Lyudmila Yanukovych →
Bizitza
Jaiotzako izen-deiturak	Katherine Chumachenko
Jaiotza	Chicago, 1961eko irailaren 1a (63 urte)
Herrialdea	Ameriketako Estatu Batuak  2007)  Ukraina  (2005 -
Familia
Ezkontidea(k)	Viktor Justxenko
Hezkuntza
Heziketa	Walsh School of Foreign Service ^(en) Chicagoko Unibertsitatea Georgetowngo Unibertsitatea Booth School of Business ^(en) Prospect High School ^(en)
Jarduerak
Jarduerak	politikaria
Jasotako sariak	ikusi Hiru Izarren Ordena, 1. klasea Order of the Polar Star - Commander's Grand Cross Order of the Tribute to the Republic
Sinesmenak eta ideologia
Erlijioa	kristautasun ortodoxoa

Kateryna Mykhailivna Justxenko^[1] (ukraineraz: Катерина Михайлівна Ющенко), jaiotzez Katherine Claire Chumachenko, (Chicago, 1961eko irailaren 1a) ukrainar ekonomialaria da, eta Ukrainako lehen dama izan zen, 2005etik 2010era, Viktor Justxenko presidentearekin ezkonduta.

Bizitza

1961eko irailaren 1an jaio zen Chicagon, Mykhailo eta Sofia Chumachenkoren familian^[2]. Ahizpa bat du, Lydia-Marie Chumachenko Moll^[2]. Jaiotzean Kateryna Klava izena jarri nahi izan zioten, 1933an Holodomorren hil ziren aitaren bi arreben omenez, baina ospitalean Katherine Claire bezala erregistratu zuten^[3].

1982an ekonomian lizentziatu zen Georgetown Unibertsitatean, eta 1986an masterra egin zuen Chicagoko Uniertsitateko Negozio Eskolan^[4]. Etxe Zuriko Harreman Publikoko Bulegoan lan egin zuen Ronald Reaganen administrazioan^[5].

1993an Kieveko KPMG enpresan hasi zen lanean. 1993an, Viktor Justxenko Ukrainako Banku Nazionaleko burua ezagutu zuen eta 1998ko urtarrilean harekin ezkondu zen^[2]. Hiru seme-alaba dituzte, Sofia, Khrystyna eta Taras^[6].

2005ean Ukrainako herritartasuna lortu eta 2007an Ameriketako Estatu Batuetako herritartasuna baztertu zuen^[7][8].

Sariak

• 2005eko urria: Ostroheko Akademiaren Vasyl-Kostiantyn Ostrozky printzearen domina^[9]
• 2005eko urria: Chicagoko Unibertsitateko Negozio Eskolako saria^[9]
• 2005eko azaroa: Urrezko Piramidea UNESCOren Sari Berezia^[9]
• 2006ko apirila: Txernobylgo Haurren Fundazioaren sari berezia^[9]
• 2008: Suediako Izar Polarraren Ordenako Gurutze Handia^[9]
• 2008ko ekainaren 19a: Letoniako Hiru Izarren Ordena (1. mailakoa)^[9]
• 2008ko azaroaren 20a: Truman-Reagan Askatasunaren Domina (Holodomorreri eta komunismoaren beste krimenei buruzko informazioa zabaltzeagatik)^[10]
• 2009ko ekainaren 29a: Pro Ecclesia et Pontifice gurutzea^[9]

Erreferentziak

1. 156. Alfabeto zirilikoz idatzitako izenak euskarara aldatzeko transkripzio-sistema. Gasteiz: Euskaltzaindia (argitaratze data: 2009-02-27) (Noiz kontsultatua: 2024-03-04).
2. ↑ (Errusieraz) «Екатерина Ющенко» Лiга.Досье jatorrizkotik artxibatua (artxibatze data: 2011-09-03) (Noiz kontsultatua: 2024-03-04).
3. (Ukraineraz) «Катерина Ющенко: Я вважаю свого чоловіка справжнім героєм» Україна Молода jatorrizkotik artxibatua (artxibatze data: 2009-12-07) (Noiz kontsultatua: 2024-03-04).
4. (Ingelesez) «Kateryna Yushchenko, ’86» Chicago Booth (Noiz kontsultatua: 2024-03-04).
5. (Ingelesez) Caine, Paul. «Former First Lady of Ukraine With Deep Chicago Ties Confident of Victory Over Russia» WTTW News 2023-09-14 (Noiz kontsultatua: 2024-03-04).
6. (Errusieraz) Сорокко, Татьяна. «Рожденная в США: Первая леди Украины» Украинская правда 2005-08-23 (Noiz kontsultatua: 2024-03-04).
7. (Errusieraz) «Катерина Ющенко решила судиться с коммунистом из-за гражданства» Украинская правда 2008-06-03 jatorrizkotik artxibatua (artxibatze data: 2008-06-08) (Noiz kontsultatua: 2024-03-04).
8. (Ukraineraz) «Як Катерина Ющенко виходила з громадянства Америки» Українська правда 2008-05-23 (Noiz kontsultatua: 2024-03-04).
9. ↑ (Ukraineraz) «Ющенко Катерина Михайлівна» LB.ua (Noiz kontsultatua: 2024-03-04).
10. (Errusieraz) «Катерина Ющенко награждена Медалью Свободы Трумэна-Рейгана за вклад в распространение правды о Голодоморе и других преступлениях коммунизма» Пресс-служба Президента Украины Виктора Ющенко 2008-11-21 jatorrizkotik artxibatua (artxibatze data: 2009-06-11) (Noiz kontsultatua: 2024-03-04).

Kanpo estekak