Kdenlive | |
---|---|
Jatorria | |
Sorrera-urtea | 2002 |
Azken bertsioa | 24.08.0 |
Ezaugarriak | |
Programazio-lengoaia | C++ |
Irakur dezake | GNU/Linux, Mac OS, BSD eta Microsoft Windows |
GUI tresnak | Qt |
Egile-eskubideak | copyrightduna |
Lizentzia | GPLv3 |
Deskribapena | |
Honen parte da | KDE Aplikazioak |
Ekoizpena | |
Garatzailea | KDE |
kdenlive.org | |
Iturri-kodea | https://invent.kde.org/multimedia/kdenlive eta https://github.com/KDE/kdenlive |
Kdenlive ( /ˌ k eɪ d ɛ n l aɪ v / : ingelesezko akronimoa: KDE Non-Linear Video Editor hau da: KDE mahaigain inguruneko Bideo Editore Ez-lineala ) software libreaz sortutako bideo editore bat da. Software libre eta kode irekiko bideo editorea da KDE eta Qt mahaigain ingurunetarako sortua. Kdenlive GNOME mahaigaineko OpenShot horren proiektu paraleloa da.
Proiektua Jason Woodek 2002an hasi zuen, eta gaur egun garatzaile talde txiki batek mantentzen du.
Kdenlive paketeak libre daude eskuragarri Linux, FreeBSD eta Microsoft Windows sistemetarako, eta iturburu kodea GNU Lizentzia Publiko Orokorreko 2. bertsioaren edo ondorengo bertsioaren arabera dago eskuragarri.
KDEren Kdenlive honek MLT, Frei0r efektuak, SoX eta LADSPA liburutegiak erabiltzen ditu. Kdenlivek FFmpeg edo libav- ek onartzen dituzten formatu guztiak ere onartzen ditu (QuickTime, AVI, WMV, MPEG eta Flash Video formatua besteak beste), eta 4: 3 eta 16: 9 irudi erlazioak onartzen ditu. Onartzen ditu PAL, NTSC eta hainbat HD estandar, HDV eta AVCHD barne. Bideoa DV gailuetara ere esporta daiteke, edo DVD batera idatzi kapituluekin eta menu sinple batekin.
Gainera inportatu-esportatu aukera asko izanik formatu batetik bestera bihurketak egiteko aukera asko eskaintzen ditu.
Kdenlive aplikazioko interfazea euskaraz topa daiteke[1]. Tutorial batzuk ere euskaraz eman dira argitara.
Proiektua hasieran Jason Wood-ek hasi zuen 2002an. Kdenlive-ren garapena K Desktop Environment 3 bertsioan (jatorriz ez zen MLT-rako egina) KDE Plataforma 4-ra joan zen, ia berridazpen osoarekin. Hau Kdenlive 0.7 bertsioarekin osatu zen, 2008ko azaroaren 12an kaleratua. Kdenlive 0.9.10 2014ko urriaren 1ean kaleratu zen KDE 4 azken bertsioa.
Kdenlive 2014an hasi zen KDE proiektuen ingurunean eta azpiegituretan mugitzeko aukera planifikatzen. KDE Frameworks 5 portua 2015.04.0 bertsioarekin amaitu zen KDEren 5. aplikazioen baitan. KDErantz egindako mugimendua etengabea da, ez da amaitu.
2017ko hasieran, garapen taldea programaren errefaktorizazio lanetan hasi zen, eta 2017ko ekainean lehen aurrebista eskuragarri zegoen. 2017ko abendura arte errefaktorizazioa garapen-taldearen ardatz nagusia bihurtu zen lehen aurrebista erabilgarria kaleratzeko. KDE 18.08 aplikazioen bertsioan errefaktorizazio bertsioa kaleratzea izan zen. Kdenlive-ren bertsio berrindartua 2019ko apirilaren 22an kaleratu zen, KDE 19.04 Applications bertsioa.