Kizzy Crawford

Kizzy Crawford

(2016)
Bizitza
JaiotzaOxford, 1996ko apirilaren 25a (28 urte)
Herrialdea Erresuma Batua
Familia
Haurrideak
Hezkuntza
Hizkuntzakgalesa
ingelesa
Jarduerak
Jarduerakabeslaria
Musika instrumentuagitarra
ahotsa
kizzymerielcrawford.com
Facebook: kizzymerielcrawford Twitter: kizzkez Souncloud: kizzymerielcrawford Musicbrainz: f8aeecc7-a267-4108-9f83-a3083348d263 Songkick: 5901759 Discogs: 4591560 Edit the value on Wikidata

Kizzy Crawford (Oxford, 1996ko apirilaren 25a), Kizzy mononimoz ere ezaguna, barbadostar jatorriko galestar egile abeslaria eta gitarra-jotzailea da[1]. Ingelesez eta galesez abesten du, iturri herrikoiak zein modernoak erabiliz.

Bizitza

[aldatu | aldatu iturburu kodea]

Kizzy Oxforden (Ingalaterra) jaio zen, baina 1999an gurasoak dibortziatu zirenean, Aberaeronera eta geroago Llandeilora joan zen amarekin, ahizparekin eta aitona-amonekin bizitzera, Merthyr Tydfilen finkatu aurretik. Aitaren familia Barbadoskoa da jatorriz eta 1950eko hamarkadan Readingera etorri zen. Kizzyk galestartzat du bere burua, baina barbadostar ondarea ere garrantzitsua da berarentzat[2].

Familiako bost seme-alabetatik zaharrena da. Haren ahizpa Eädyth Crawford ere abeslaria da[3].

26 urte zituela, autismoa diagnostikatu zioten[4].

Musikari ibilbidea

[aldatu | aldatu iturburu kodea]

2012an Arts Connecten egile abeslarien saria irabazi zuen eta Starling singlea grabatu zuen[3]. 2013ko abuztuan The Starling abestu zuen BBC Radio Wales kateko Bethan Elfyn saioan. 2013an zehar, Galesko telebista- eta irratsaio askotan agertu zen[5][6] eta hainbat ekitalditan parte hartu zuen, hala nola Focus Wales, Sŵn, Green Man musikaldia, Festival No 6 eta Galesko Eisteddfod Nazionala.

2014an, BDi Music diskoetxearekin kontratua sinatu zuen[7].

2014ko Sei Nazioen Txapelketan Calon Lân abestu zuen[8].

2014ko irailaren 20an Golden Brown eta Calon Lân abestu zituen BBC Radio 4ko Saturday Live saioan[9]. Urte hartan WOMEXen, Blissfieldsen, Hay Festivalen eta Cheltenhamgo Jazzaldian parte hartu zuen[10].

2016an, bere abestietako hainbat WJEC A Level Music Syllabusko parte izateko hautatu zituzten. Geroago Crawford gonbidatu zuten BBC Radio 4ko Woman's Hour saioan parte hartzera[11].

2017an, BBC National Orchestra of Walesekin jo zuen Cambridgeko Folk Musikaldian[12] eta bigarren mailako paper bat lortu zuen Keeping Faith telesailean[13].

2018an, Freestyle Records diskoetxearekin kontratua sinatu zuen, eta hurrengo urtean The Way I Dream diskoa kaleratu zuen[14].

2019ko irailean, Crawfordek Calon Lân abestu zuen Eädyth ahizparekin batera, Merthyr Tydfilen egindako Yes Cymru kanpainiako mitin batean, Galesen independentzia sustatuz[15].

Diskografia

[aldatu | aldatu iturburu kodea]
  • The Starling (2013)
  • Temporary Zone (2013)
  • Golden Brown (2014)
  • Shout Out / Yr Alwad (2015)
  • Pili Pala (2015)
  • Imago (2015)
  • Birdsong / Can Yr Adar (2018)
  • The Way I Dream (2019)
  • Rhydd (2021)

Erreferentziak

[aldatu | aldatu iturburu kodea]
  1. ↑ (Ingelesez) «Biography» Kizzy (Noiz kontsultatua: 2024-10-12).
  2. ↑ (Ingelesez) Bevan, Nathan. «Welsh singer racially abused at Laugharne festival» Wales Online 2014-05-11 (Noiz kontsultatua: 2024-10-12).
  3. ↑ a b (Ingelesez) Smith, Mark. «Young singer Kizzy Crawford, from Merthyr Tydfil, wins Arts Connect Original Singer-Songwriter prize» Wales Online 2013-01-24 (Noiz kontsultatua: 2024-10-12).
  4. ↑ (Ingelesez) «Kizzy Crawford: Autism and Me» BBC Radio Wales 2021-01-17 (Noiz kontsultatua: 2024-10-12).
  5. ↑ (Galesez) «Noson Lawen Ers 1982» S4C (Noiz kontsultatua: 2024-10-12).
  6. ↑ (Galesez) «Kizzy Crawford - Tyfu Lan» BBC 2013-05-29 (Noiz kontsultatua: 2024-10-12).
  7. ↑ (Ingelesez) «Kizzy Crawford» BDi Music (Noiz kontsultatua: 2024-10-12).
  8. ↑ (Ingelesez) «Kizzy» BBC Wales 2014-01-27 (Noiz kontsultatua: 2024-10-12).
  9. ↑ (Ingelesez) «Abergavenny Food Festival» BBC Radio 4 2014-09-20 (Noiz kontsultatua: 2024-10-12).
  10. ↑ (Ingelesez) «Kizzy Crawford» BBC (Noiz kontsultatua: 2024-10-12).
  11. ↑ (Ingelesez) «Kizzy Crawford, Online harassment, Young women not going to university» BBC 2016-09-12 (Noiz kontsultatua: 2024-10-12).
  12. ↑ (Ingelesez) «Cambridge Folk» FATEA 2017-07-27 (Noiz kontsultatua: 2024-10-12).
  13. ↑ (Ingelesez) «Keeping Faith. Episode 6» BBC 2018-08-16 (Noiz kontsultatua: 2024-10-12).
  14. ↑ (Ingelesez) «Progression. Kizzy Crawford» Freestyle Records (Noiz kontsultatua: 2024-10-12).
  15. ↑ (Ingelesez) «Welsh independence rally in Merthyr Tydfil draws thousands» BBC News 2019-09-07 (Noiz kontsultatua: 2024-10-12).

Kanpo estekak

[aldatu | aldatu iturburu kodea]