Kyi Aye
| Kyi Aye | |
|---|---|
| Bizitza | |
| Jaiotza | Yangon, 1929ko abenduaren 13a |
| Heriotza | New York, 2016ko abenduaren 28a (87 urte) |
| Hezkuntza | |
| Heziketa | University of Yangon (en)  University of Medicine 1, Yangon (en) |
| Jarduerak | |
| Jarduerak | poeta eta medikua |
Kyi Kyi Tin-Myint (Yangon, 1929ko abenduaren 13a – New York, 2016ko abenduaren 28a), Kyi Aye (birmanieraz: ကြည်အေး) izengoitiaz ezagunagoa, birmaniar-estatubatuar idazle, itzultzaile eta medikua izan zen.
Bizitza
[aldatu | aldatu iturburu kodea]Kyi Kyi 1929ko abenduaren 13an jaio zen Yangonen, Britainiar Birmanian. U Han eta Daw Ngwai Yonen seme-alabetatik hirugarrena zen. 1948an, Birmaniak independentzia berreskuratu zuenean, Yangongo Unibertsitatean ikasten hasi zen. Hasieran medikuntza ikasi zuen, baina hirugarren ikasturtean ikasgaia aldatu zuen eta artean lizentziatu zen, ingelesezko literaturan espezializatuta. 1953an, Tin Myint bankuko langilearekin ezkondu zen. Ezkondu ondoren, Yangon Unibertsitateko Ingeles Sailean irakatsi zuen eta eten zituen mediku ikasketak jarraitu zituen.
Oso gaztetan hasi zen poemak eta ipuinak idazten. Lehen ipuina Dagon Tayak 1947an sortutako Taya Magazine aldizkarian argitaratu zuen. Ertain-goi klaseko pertsonaiei buruzko istorio sinesgarriak idatzi zituen. Bere estiloa zorrotza eta indartsua zen, eta argumentuak argiak eta ezagunak. Pertsonaien sentimenduei buruz idazten zuen mugarik gabe[1].
1971ko abenduan Ameriketako Estatu Batuetara emigratu zuen senarrarekin eta seme-alabekin, eta han mediku-lizentzia lortu zuen. Psikiatra egin zen, haur eta nerabeen psikiatrian espezializatuta. Estatu Batuetako eta Erresuma Batuko hainbat ospitale eta erakundetan lan egin zuen eta 2002an erretiratu zen. 2016ko abenduaren 28an hil zen leuzemia mieloide akutuaren ondorioz[2].
Lanak
[aldatu | aldatu iturburu kodea]Birmanierazkoak
[aldatu | aldatu iturburu kodea]| Urtea | Birmanierazko izenburua | Transliterazioa |
|---|---|---|
| Poesia bildumak | ||
| 1990 | ကြည်အေး၏ကဗျာများ | Kyi Aye Ei Kabyar Myar |
| 2016 | ပွင့်ဒင်္ဂ | Pwint Din Kha |
| Fikziozko idazlanak | ||
| 1955 | မီ | Mee |
| 1958 | နွမ်းလျအိမ်ပြန် | Nwan Hla Eain Pyan |
| 1960 | ဖုန်းသက်တိုင် | Phone Thet Taing |
| 1961 | တမ်းတတတ်သည် | Tan Ta Thet Thi |
| ကျွန်မပညာသည် | Kya-ma Pyin Nyar The | |
| 1963 | ကေဖွဲ့ဆိုသီ | Kay Phwe So Thi |
| 1973 | မောင် ကိုကိုနှင့် မြနန္ဒာ | Maung Ko Ko Hnint Myanandar |
| 1980 | မေတ္တာမီးအိမ် | Myittat Mee Eain |
| 1996 | အပြင်ကလူ | 'A Pyin Ka Luu |
| မှန်၏မှောင်ရိပ် : စိုးနှင့်ခိုင် | Hman Ei Hmaung Yeik : Soe Hnint Khine | |
| 2001 | မှန်၏မှောင်ရိပ် : အိမ်ဖြူလင်းသစ် | Hman Ei Hmaung Yeik : Eain Phyu Lin Thit |
| Ipuin bildumak | ||
| 1994 | ကြည်အေး၏ ဝတ္ထုတိုများ | Kyi Aye Ei Wuthtu Toe Myar |
| 2007 | ဝတ္ထုတိုပေါင်းချုပ် | Wuthtu Toe Paung Choak |
| Oroitzapenak | ||
| 2015 | ဘဝအစွန်မှာ | Bawa Ah Swan Hmar |
Ingelesezkoak
[aldatu | aldatu iturburu kodea]- Working Elephants (Essay), Back to Mandalay: Burmese Life, Past and Present (1996)
Itzulpenak
[aldatu | aldatu iturburu kodea]| Egilea | Ingelesezko izenburua | Birmanierazko izenburua | Urtea |
|---|---|---|---|
| Jr. LeGrand Cannon | Look to the Mountain | တောတောင်ရေမြေ | 1955 |
| Pearl S. Buck | This Proud Heart | ဤမာန | 1994 |
Erreferentziak
[aldatu | aldatu iturburu kodea]- ↑ (Ingelesez) Bala, Aung. (1981). «Cometmorary Burmese Literature» in Ferguson, John P. Essays on Burma. Asian Studies, 93 or. ISBN 9004063234. (Noiz kontsultatua: 2024-12-26).
- ↑ (Ingelesez) «Kyi Kyi Tin-Myint Obituary» The New York Times 2017-01-05 (Noiz kontsultatua: 2024-12-26).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q13062730