Leiopus nebulosus
| Leiopus nebulosus | |
|---|---|
_male_(4606508767).jpg) | |
| Sailkapen zientifikoa | |
| Erreinua | Animalia |
| Filuma | Arthropoda |
| Klasea | Insecta |
| Ordena | Coleoptera |
| Familia | Cerambycidae |
| Leinua | Acanthocinini |
| Generoa | Leiopus |
| Espeziea | Leiopus nebulosus Linnaeus, 1758 |
Leiopus nebulosus Cerambycidae familiako kakalardoa da. Europan zabaldurik dago eta Euskal Herrian ere aurkitzen da.[1][2]
Taxonomia
[aldatu | aldatu iturburu kodea]Lineok deskribatu zuen Zientziarako 1758. urtean Cerambyx nebulosus izenarekin.[3]
250 urtetan zehar Leiopus linnei espeziearekin nahastu izan da, harik eta 2009an Henrik Wallin, Ulf Nylander eta Torstein Kvamme entomologoek bigarren hau espezie bereizi gisa deskribatu zuten arte. Gaur egun L. linnei Europa erdialdean aurkitzen dela zehazten da eta L. nebulosus aldiz Europako kostaldean.[4]
Deskribapena
[aldatu | aldatu iturburu kodea]Tamaina txikia duen kakalardoa da, arra 5-9,2 mm artekoa eta emea 6,4-9,5 mm artekoa. Gorputzak kolore ilunak eta marroi argiak txandakatzen ditu era lauso batean. Elitroen erdialdean marra ilun nabarmen batek zeharkatzen du.[4]
Antenak oso luzeak dira, gorputza baino luzeagoak, eta segmentatuak. Segmentu bakoitza kolore argiaz hasten da eta kolore ilunaz amaitu, antena marratuen itxura emanez.
Habitata
[aldatu | aldatu iturburu kodea]Kakalardo polifagoa da eta habitat ugaritan aurkitzen da, baso hostozabalean, baso mixtoan, parkeetan eta lorategietan. Helduak ilunabarrean edo gauez ateratzen dira. Eroritako hosto, adar eta enbor hiletan aurkitzen dira.[4]
Bizi zikloa
[aldatu | aldatu iturburu kodea]Helduak maiatza eta abuztua artean ikusten dira. Emeak eroritako adarretan edo zuhaitz hiletan jartzen ditu arrautzak. Handik jaioko diren beldarrek azala edo azaletik gertu dagoen zura jaten dute. Diametro txikiko zein handiko adarretan elikatzen dira eta udaberrian pupa eratzen dute berariaz zulaturiko ganbera batean.[4]
Iruditegia
[aldatu | aldatu iturburu kodea]
_(21988151554).jpg)
Erreferentziak
[aldatu | aldatu iturburu kodea]- ↑ «EHAEko Coleoptera Catalogoa|Heteropterus» www.heteropterus.org (Noiz kontsultatua: 2023-09-09).
- ↑ «Euskadiko Naturari buruzko Informazio Sistema» www.ingurumena.ejgv.euskadi.eus (Noiz kontsultatua: 2025-02-22).
- ↑ (Gaztelaniaz) «Cerambyx nebulosus Linnaeus 1758» www.gbif.org (Noiz kontsultatua: 2025-02-22).
- ↑ a b c d «Leiopus nebulosus» www.cerambyx.uochb.cz (Noiz kontsultatua: 2025-02-22).
Kanpo estekak
[aldatu | aldatu iturburu kodea]
Datuak: Q901436
Multimedia: Leiopus nebulosus / Q901436
Espezieak: Leiopus nebulosus