Lerrokatze (tipografia)

Testuaren gorputza bi zutabe nagusitan antolatuta dago. Zutabe nagusi horiek (bi aldeetatik) lerrokatuta daude. Ezker-eskuinaldera lerrokatuta daude (lerrokatze osoa). Paragrafoen lehen lerroetan tabulazio koxkak ezarri dira, zuri-gune txikiak.

Testu zentratua edo ardaztua. Zutabe bakarra erdira lerrokatua.

Maketazioan justifikazioa edo lerrokatzea deitzen zaio testuko lerroen kokapenari.

Testuak maketatzerakoan, testuak zutabe bakar batean, bi zutabeetan edo zutabe gehiagotan antola daitezke orrialdeetan.

• Lerroak, ezkerreko aldetik, orrialdeko ertzaren distantzia berera daudenean, testu hori ezkerraldera lerrokatuta dagoela esaten da.

• Lerroak, eskuineko aldetik, orrialdeko ertzaren distantzia berera daudenean, testu hori eskuinaldera lerrokatuta dagoela esaten da.

• Lerroak zentratu egin daitezke, erdiko ardatz baten inguruan simetria gordez, testu hori erdira lerrokatuta dagoela esaten da..

• Zutabe batean lerro guztiak neurri berekoak direnean, testua (bi aldeetatik) lerrokatze osoa dagoela esaten da. Edo ezker-eskuinalderako lerrokatze dagoela.

IVAP estilo-liburuko gomendioa

Lau modu daude lerrokatzeko:

• ezkerraldera,
• eskuinaldera,
• erdira eta
• ezker-eskuinaldera (osoa).

Oro har, IVAPek hiru hauek erabiliko^[1] ditu:

• Ezker-eskuinaldera(osoa): testu guztietan.
• Eskuinaldera: adibidez, helbideak ofizioetan.
• Erdira: nahi izanez gero, izenburuetan.

Wikipedia

Euskarazko Wikipediako paragrafo bat, ezkerretara lerrokatuta

Wikipediak, artikulu hau idatzi den garaian, lehenetsita ematen du ezkerraldera lerrokatzeko aukera, baina euskarazko Wikipediaren Estilo Gidan^[2] ez da gaia aipatzen, MediaWikiko ezarpenetan ezarrita dagoelako ezkerralderako lerrokatze hori, eta lerrokatze hori modu automatikoan egiten delako.

Erreferentziak

1. J. ARAKAMA, A. ARRIETA, J. LOZANO, J. ROBLES & R. URRUTIA; (Herri Arduralaritzaren Euskal Erakundea / IVAP): IVAPeko estilo-liburua. (2005), 2009.
2. Wikipedia:Estilo gida. 2021-01-26 (Noiz kontsultatua: 2021-02-04).

Kanpo estekak