Maeshowe

Maeshowe
UNESCOren gizateriaren ondarea
Orkadetako bihotz neolitikoa
Irudi gehiago
Kokapena
Estatu burujabe	Erresuma Batua
Herrialdea	Eskozia
Uhartedi	Orkadak
Koordenatuak	58°59′48″N 3°11′18″W / 58.9966°N 3.1882°W / 58.9966; -3.1882
Arkitektura
Azalera	1 ha
Gizateriaren ondarea
Erreferentzia	514bis-001
Eskualdea[I]	Europa eta Ipar Amerika
Izen-ematea	bilkura)
UNESCOk egindako sailkapenaren arabera

Maeshowe (Maes Howe ere idatzia) Neolitoko cairn, tumulu edo harrien pilaketa bat da, eta Orkadetan, Eskozian, dagoen lurpeko lurperatze bat. Maeshowe eta gertuko beste monumentu neolitiko batzuk, tartean Skara Brae herrixka, Gizateriaren Ondare izendatu zituen Unescok 1999an.^[1] "Maeshowe" izena erabiltzen da, halaber, pasabide formako lurperatze mota horiek izendatzeko, ez baitute antzekotasunik beste ezein ehorzketekin, ez Orkadetan, ez beste inon.

Hareharrizko 30 tona erabiliz eraiki zuten, antza denez, "zeramika ildaskatuko" deituriko herri multzoek, eta bere diseinuari esker, sarrera lerrokatuta geratzen da neguko solstizioan argiztatzeko.

Orkneyinga sagaren arabera, bikingoek (Harald Maddadsson eta Rognvald Eysteinsson tartean) arpilatu zuten Maeshowe XII. mendean. Bikingoek alfabeto errunikoan idatzitako hogeita hamar «grafiti» baino gehiago utzi zituzten beren bidean, beren burua babestu zuten ganberen hormetan, eta mota horretako inskripzioen munduko bildumarik handiena osatzen dute. Inskripzio horien artean, Ragnar Lodbrok eta bere seme-alabek uharte haiekin zuten harremana baieztatzen duen bat dago.

Sabaiko mentsulak 1861ean suntsitu zituzten arkeologo sutsuegi baina eskarmentu gabekoek, eta gune arkeologikoari ere kendu zizkioten bertan egon zitezkeen objektu gehienak. Muinoaren egiturak, ordea, ez zuen kalterik izan, eta, beraz, barrutiak jatorrizko eraikuntzaren diseinua mantentzen du oraindik, britainiar uharteetako beste edozein tokitan aurki daitekeenaren bestelakoa.

Erreferentziak

1. Heart of Neolithic Orkney. UNESCO Culture Sector.

Kanpo estekak