Maggie Steffens

Maggie Steffens
Bizitza
Jaiotza	San Ramon, 1993ko ekainaren 4a (31 urte)
Herrialdea	Ameriketako Estatu Batuak
Bizilekua	Danville
Familia
Haurrideak	ikusi Jessica Steffens ^(en)
Hezkuntza
Heziketa	Stanford Unibertsitatea Monte Vista High School ^(en)
Jarduerak
Jarduerak	waterpolo jokalaria eta igerilaria
Parte-hartzailea water polo at the 2012 Summer Olympics – women's tournament ^(en) (1.) water polo at the 2016 Summer Olympics – women's tournament ^(en) (1.) water polo at the 2020 Summer Olympics – women's tournament ^(en) (1.) water polo at the 2015 World Aquatics Championships – women's tournament ^(en) (1.) water polo at the 2017 World Aquatics Championships – women's tournament ^(en) (1.) water polo at the 2019 World Aquatics Championships – women's tournament ^(en) (1.)
Posizio edo espezialitatea	attacker ^(en)
Pisua	74 kilogramo
Altuera	1,73 metro
maggiesteffens.com

Margaret Ann Steffens (San Ramon, Kalifornia, AEB, 1993ko ekainaren 4a) waterpolo jokalari estatubatuarra da. Estatu Batuekin urrezko domina irabazi zuen 2012^[1], 2016^[2] eta 2020ko Udako Olinpiar Jokoetan^[3]. 2020 Olinpiar Jokoetan, Maggiek Olinpiar errekor berria ezarri zuen emakumeen waterpoloan, jokalari bakar batek gol kopuru handien sartzearena^[4][5].

Hastapenak

Maggiek waterpoloan jokatu zuen Danville Monte Vista High School-en, eta, taldeari, ligako txapelketa irabazten lagundu zion 2007, 2008 eta 2009an^[6]. Diablo Waterpolon ere jokatu zuen, Alamo-n, Kalifornia^[7].

Unibertsitateko ibilbidea

Maggie Stanford Unibertsitatera joan zen 2013tik 2017ra, emakumezkoen waterpolo taldean jokatuz. 2014, 2015 eta 2017an NCAA txapelketetara eramango du taldea, eta bigarren postura 2013 eta 2016an.

2015ean, lau gol sartu zituen USCren aurkako finalerdiko partidan, Stanfordek 9-8 irabaziko zuen. 2017ko txapelketan, hiru gol sartu zituen Stanfordek UCLAren aurka 8-7 irabazi zuenean, 9 segundoren faltan garaipenaren gola barne. 2015ean eta 2017an, berriro, NCAA txapelketako Jokalaririk baliotsuena (MVP) izendatu zuten^{[8][9][10][11]}.

Maggie Stanforden graduatu zen 2017ko ekainean; Zientzia, Teknologia eta Gizartean lizentziatua da^[12].

Nazioarteko ibilbidea

Bere nazioarteko lehen agerraldia, 2009ko FINA Junior Emakumeen Munduko Txapelketan izan zen Khanty-Mansisk-en (Errusia), hirugarren postuan amaituz^[13].

16 urterekin egin zuen debuta seniorretan, 2009ko abenduaren 9tik 13ra Newport Beach-eko (Kalifornia) Holiday Cup 10. txapelketan, non bi gol egingo zituen^[14]

2010

2010eko FINA Munduko Ligako Super Finala eta 2010eko FINA Munduko Kopa irabaziko zituen AEBko waterpolo selekzio nazionalean jokatu zuen. Australiaren aurka, garaipenaren gola sartu zuen FINA Munduko Ligako Super Finaleko azken partidan.

2011

2011ko FINA Munduko Ligako Super Finala berriro irabazten lagundu zion AEBri. Joko Panamerikarretan, garaipenaren gola sartu zuen finaleko partidaren penaltien txandako azken tiroketan, zeinarekin AEBk Kanada garaitzen baitzuen.

2012

AEBk hirugarren urtez jarraian irabazi zuen FINA Munduko Ligako Super Finala 2012an, eta Maggiek zuzendu zuen taldea, 11 gol sartuz.

2012ko Udako Olinpiar Jokoak

Udako Olinpiar Jokoetako lehen partidan, zazpi gol sartu zituen, eta partida bakarreko olinpiar errekorra berdindu zuen^[15]. Guztira, 21 gol sartu zituen Olinpiar Jokoetan, eta emakumezkoen waterpolo txapelketa batean sartutako gol gehienen errekor olinpiko berria ezarri zuen; AEBk urrezko domina irabazi zuen^[16][1].

Waterpoloa Olinpiar Jokoetan lehen aldiz jokatzen zenetik, Maggiek, 2012ko Udako Olinpiar Jokoetan, irabazten lagundu zuen urrezko domina hori izan zen Estatu Batuek modalitate horretan lortzen zuten lehen urrezko domina olinpikoa, gizonezko zein emakumezkoena^[17].

2012ko emakumezko waterpolo jokalaririk onena izendatu zuen FINAk, eta, 2012ko urteko emakumezko waterpolo jokalaririk onena, Swimming World aldizkariak.

2016

2016ko Udako Olinpiar Jokoak

Maggie izan zen 2016ko Olinpiar Jokoetan goleatzaile nagusia, 17 golekin; AEBk, berriro, urrezko domina irabazi zuen^[18].

2021

2020ko Udako Olinpiar Jokoak

Atariko txanda

2020ko Udako Olinpiar Jokoetako waterpolo txapelketako lehen partidan, Tokion, Japonia, 2021eko uztailaren 24an, Maggiek Japoniako taldeari irabazten lagundu zion AEBri, 25-4ko azken emaitzarekin. Partidako goleatzailerik onenaren postua berdindu zuen, 5 golekin^[19]. Bere lehen gola, partida hasi eta 21 segundora izan zen^[20]. 25-4ko markagailuak errekor olinpiko berria ezarri zuen emakumezkoen waterpoloko txapelketako partida baten garaipen aldean; errekorrak, ordea, ordu batzuk baino ez zuen iraun, Espainiak Hegoafrikari 29-4ko emaitzarekin garaituko zuen arte^[19][20].

Txinako taldearen aurkako txapelketako bigarren partidan, Maggiek gola sartu, eta bi aldiz irten behar izan zuen igerilekutik arreta medikoa jasotzeko, sudurrean mozketa bat pairatu baitzuen^[21][22]. Bere taldekideetako zortzik ere, golak sartu zituzten, eta AEBk irabazi zuen partida 12-7ko azken emaitzarekin^[22].

Maggiek Hungariako taldearen aurkako lehiaren atariko hirugarren partida jokatzea erabaki zuen, nahiz eta Txina taldearen aurkako partidan sudurrean izandako mozketaren kolpeak sudurra ere hautsi zion^[23]. Bere taldearentzat, gol bat sartu zuen Hungaria taldearen aurkako partidan, Olinpiar Jokoetan waterpoloaren historiako emakumerik goleatzaile handiena izateko lau goletara geldituz^[24]. Hungariako taldeak irabaziko zuen partida, AEBren bederatzi golek hamarrekin gaindituz^[17][24][25].

Atariko txandako partidetako AEBren laugarren eta azken partidan, Maggiek ROC taldearen aurka irabazten lagundu zuen 18-5eko azken emaitzan^{[5] [26][27]}. Partidan, Maggiek bere 49. gola sartu zuen Olinpiar Jokoetan, eta olinpiar errekor berria ezarri zuen Olinpiar Jokoetan lehiatzen zuen emakumezko ur-jokalari batek kirol-ibilbidean sartutako gol gehienetan^{[4][5][27][28]}-

Kanporaketa txandak

Lehiaketako kanporaketako final-laurdenetako partidan, Kanada taldearen aurka lehiatu zen AEB, eta, 16-5eko azken emaitzarekin irabazi zuen, Maggiek AEBren hiru gol sartuz^[29]. ROC taldearen aurkako finalaurreko partidan, Maggiek hiru gol sartu zituen AEBrentzat, eta taldeak 15-11ko azken emaitzarekin irabazi, eta urrezko dominaren partidara igaro zen, Espainiako taldearen aurka^[30]. Urrezko dominaren partidan, AEBk urrezko domina erraz irabazi zuen Espainiaren aurka, 14-5, eta Maggiek taldearen goletako bat sartu zuen^[31]. AEBko emakumezkoen waterpolo taldeak bere hirugarren urrezko domina jarraian irabazi zuelarik, FINAk 2020ko Olinpiar Jokoetako bosgarren momentu gisa aukeratu zuen^[32]. 2020ko Udako Olinpiar Jokoetan, Tokio 2020an (Tokio), urrezko domina irabaziko du AEBko taldearekin, Espainiako (zilarrezkoa) eta Hungariakoaren (brontzezkoa) aurretik sailkatuz. Hauek osatuko dute AEBko taldea: Rachel Fattal, Aria Fischer, Makenzie Fischer, Kaleigh Gilchrist, Stephania Haralabidis, Paige Hauschild, Ashleigh Johnson, Amanda Longan, Maddie Musselman, Jamie Neushul, Melissa Seidemann, Maggie Steffens eta Alys Williams-ek.

Lorpenak

Udako Olinpiar Jokoetako emaitzak

Udako Olinpiar Jokoak
Urtea	Lekua	Domina	Proba
2012	Londres Erresuma Batua	01 !	Waterpoloa emakumezkoa[33]
2016	Rio de Janeiro Brasil	01 !	Waterpoloa emakumezkoa[34]
2020	Tokio Japonia	01 !	Waterpoloa emakumezkoa[35].

Gainerako lorpenak

Munduko Igeriketa Txapelketa
Urtea	Lekua	Domina	Proba
2019	Gwangju Hego Korea	01 !	Waterpoloa
2017	Budapest Hungaria	01 !	Waterpoloa
2015	Kazan Errusia	01 !	Waterpoloa
Joko Panamerikarrak
2011	Guadalajara Mexiko	01 !	Waterpoloa
2015	Toronto Kanada	01 !	Waterpoloa
2015	Toronto Kanada	01 !	Waterpoloa
2019	Lima Peru	01 !	Waterpoloa
Mundu Kopa
2010	Christchurch Zeelanda Berria	01 !	Waterpoloa
2014	Khanty-Mansisk Errusia	01 !	Waterpoloa
2018	Surgut Errusia	01 !	Waterpoloa
Mundu Liga
2010	La Jolla AEB	01 !	Waterpoloa
2011	Tianjin Txina	01 !	Waterpoloa
2012	Changshu Txina	01 !	Waterpoloa
2013	Beijing Txina	01 !	Waterpoloa
2014	Kunshan Txina	01 !	Waterpoloa
2015	Shangai Txina	01 !	Waterpoloa
2016	Shangai Txina	01 !	Waterpoloa
2017	Shangai Txina	01 !	Waterpoloa
2018	Kunshan Txina	01 !	Waterpoloa
2019	Budapest Hungaria	01 !	Waterpoloa
2021	Atenas Grezia	01 !	Waterpoloa

Klubetan ibilbidea

2018ko urtarrilean, Maggiek kontratua sinatu zuen Budapesteko UVSE Hungariako klub profesionalarekin^[36]. 2018ko maiatzaren 10ean, Hungariako Txapelketa irabazi zuen.

2018ko udan, Kataluniako Natació Sabadell klubera pasatu zen, hiru titulu irabaziz: Espainiako Kopa, Espainiako Txapelketa eta LEN Euro Liga^[37].

Bizitza pertsonala

Maggie San Ramonen (Kalifornia) jaio zen, Peggy Schnugg eta Carlos Steffens gurasoengandik. Lau seme-alaben artean (Jessica, Charlie eta Teresa) txikiena da. Bere aita, Puerto Ricon jaiotakoa, waterpolo kirolean interesatu zen txikitan Puerto Ricon partida bat ikusi ondoren. Puerto Ricorekin jokatu zuen hiru Panamerikar Jokoetan. Bere aitak uhartea utzi, eta Berkeleyko (Kaliforniako Unibertsitatea) waterpolo taldean sartu zen, non hiru aldiz All-American bihurtuko eta California Golden Bears 1977ko NCAA txapelketara eramango zuen^[38][39][40]. 1979an, waterpoloan, urteko PAC-10 (Pac-12 Conference) jokalaria izan zen^[41].

Maggie Steffens Danvillen (Kalifornia) bizi da. Waterpolo kirolean interesa piztu, eta eragina izan zuten, batez ere, bere aitak eta arrebak, Jessica Steffensek, zeina ere Estatu Batuetako selekzioan baitagoen.

Maggie Just Women's Sports emakumeen kirol webguneko aholkulari bihurtu zen 2020an^[42]. Konpainiarekin lan egiten hastean, kiroletan emakumezkoen ereduen kopuruaren kontzientzia areagotzea zela bere helburua esan zuen.

Erreferentziak

1. ↑ "Olympics: Danville's Maggie Steffens scores five goals as U.S. water polo team captures first-ever gold medal". mercurynews.com. August 9, 2012. Retrieved August 9, 2012.
2. «Rio Olympics 2016: U.S. women earn water polo gold medal» dailynews.com (Jeff Miller) 19 August 2016.
3. Brennan, Christine. (August 7, 2021). «US women's water polo team wins third straight Olympic gold, dominates Spain» USA Today.
4. ↑ "Team USA's Maggie Steffens Breaks Water Polo Olympic Scoring Record". Sports Illustrated. July 30, 2021. Retrieved July 30, 2021.
5. ↑ Greaney, Alec (July 30, 2021). "Maggie Steffens Tops All-Time List in USA Water Polo's Big Bounceback Win". NBC 4. Retrieved July 30, 2021.
6. "Maggie Steffens". teamusa.org. Retrieved August 9, 2012.
7. «Maggie Steffens» London2012.com (London Organising Committee of the Olympic and Paralympic Games).
8. "Maggie Steffens". Retrieved May 20, 2017.
9. "Women's Water Polo History". Retrieved May 20, 2017
10. "2015 National Collegiate Women's Water Polo Championship". Retrieved May 20, 2017
11. "Stanford Wins its Sixth". Retrieved May 20, 2017
12. .[1]
13. "2009 FINA Junior Women’s World Championships" waterpoloplanet.com August 15, 2009.
14. "Team USA Downs Italy 8-2 On Night Two Of Holiday Cup" usawaterpolo.org December 10, 2009.
15. "Steffens ties Olympic water polo scoring record". paloaltoonline.com. July 30, 2012. Retrieved August 9, 2012.
16. «Official Results Book – 2012 Olympic Games – Diving, Swimming, Synchronised Swimming, Water Polo» fina.org (FINA): 345..
17. ↑ "United States women's water polo team suffer first Olympic defeat in 13 years". The Guardian. July 28, 2021. Retrieved July 28, 2021.
18. «Official Results Book – 2016 Olympic Games – Water Polo» olympic.org (IOC): 193..
19. ↑ Lepesant, Madeleine (July 24, 2021). "USA Defeats Japan By Historic 25-4 to Open Water Polo at #Tokyo2020". SwimSwam. Retrieved July 24, 2021.
20. ↑ Hamilton, Tom (July 24, 2021). "Olympics 2021: U.S. Water Polo makes history with 25-4 win over Japan before Spain top record". ESPN. Retrieved July 24, 2021.
21. De George, Matthew (July 26, 2021). "Through Twists and Turns, Kaleigh Gilchrist Follows Father's Footsteps to Tokyo Olympics". Swimming World. Retrieved July 26, 2021.
22. ↑ "Olympics-Water polo-U.S. women bloodied but unbowed in battle with China". Reuters. July 26, 2021. Retrieved July 26, 2021.
23. Nussey, Sam (July 28, 2021). "Water polo-Nursing broken nose, U.S. women's team captain fights on". Reuters. Retrieved July 28, 2021.
24. ↑ De George, Matthew (July 28, 2021). "Hungary Snaps U.S. Women's Water Polos 12-Game Olympic Winning Streak". Swimming World. Retrieved July 28, 2021.
25. Cohen, Jay (July 28, 2021). "US women's water polo team handed rare loss at Olympics". Associated Press. Retrieved July 28, 2021.
26. "Water polo-Days after breaking nose, Steffens breaks scoring record". Reuters. July 30, 2021. Retrieved July 30, 2021.
27. ↑ "Tokyo Olympics overnight: Danville's Maggie Steffens sets Olympic record". San Francisco Chronicle. July 30, 2021. Retrieved July 30, 2021.
28. Steffens breaks all-time Olympic scoring record. FINA.
29. Omega Timing; Atos (August 3, 2021). "Tokyo 2020 Olympic Games: Water Polo Women Quarterfinal Results: CAN 5 - 16 USA". International Olympic Committee. Retrieved August 3, 2021.
30. Omega Timing; Atos (August 5, 2021). "Tokyo 2020 Olympic Games: Water Polo Women Semifinal Results: ROC 11 - 15 USA". International Olympic Committee. Retrieved August 5, 2021.
31. Omega Timing; Atos (August 7, 2021). "Tokyo 2020 Olympic Games: Water Polo Women Gold Medal Match Results: ESP 5 - 14 USA". International Olympic Committee. Retrieved August 7, 2021.
32. "Tokyo Olympics: Top 10 moments". FINA. November 24, 2021. Retrieved November 26, 2021.
33. "Waterpoloa, emakumezkoa, emaitzak 2012" olympedia.org (Ingelesez)
34. "Waterpoloa, emakumezkoa, emaitzak 2016" olympedia.org (Ingelesez)
35. "Waterpoloa, emakumezkoa, emaitzak 2020" olympedia.org (Ingelesez)
36. Pinelli, Brian. (2018-05-04). «An American Water Polo Star Tries to Conquer Something New: Hungary» The New York Times.
37. «Sabadell's 5-0 resurrection earns them the trophy and Easter joy» LEN.eu April 20, 2019.
38. San Jose Mercury News
39. FOR THE STEFFENS, WATER POLO IS A FAMILY AFFAIR, ESPN
40. Steffens Family Legacy
41. Seven Bay Area players selected to U.S. women's Olympic water polo team
42. Rosen, Haley. (10 March 2020). «Maggie Steffens on role models, media, and JWS» Just Women's Sports.

Ikus, gainera

• Ameriketako Estatu Batuetako emakumezkoen waterpolo olinpiko taldeen errekor eta estatistikak (En)
• Emakumezkoen waterpoloko txapeldun olinpikoen zerrenda (En)
• Waterpoloko domina olinpikoen zerrenda (emakumeak) (En)
• Emakumezkoen Waterpolo Olinpiar Txapelketako goleatzaile nagusien zerrenda (En)
• Emakumezkoen waterpoloko munduko txapeldunen zerrenda (En)
• Waterpoloko Munduko Uretako Txapelketako dominadunen zerrenda (En)

Kanpo estekak

• Maggie Steffens FINAn
• Maggie Steffens Olympics.com-en
• Maggie Steffens U.S. Olympic & Paralympic Committee-n
• Maggie Steffens Olympedia-n
• Maggie Steffens – National Team water polo profile USAwaterpolo.org-en
• Maggie Steffens – Stanford University athlete profile GoStanford.com-en
• Maggie Steffens Instagramen
• Maggie Steffens Twitterren