Marisa Monte

Marisa Monte

(2023)
Bizitza
JaiotzaRio de Janeiro, 1967ko uztailaren 1a (57 urte)
Herrialdea Brasil
Lehen hizkuntzabrasildar portugesa
Hezkuntza
Hizkuntzakbrasildar portugesa
Jarduerak
Jarduerakabeslaria, musikagilea, disko-ekoizlea, gitarra-jotzailea eta kantugilea
Jasotako sariak
KidetzaTribalistas
Genero artistikoamúsica popular brasileira (en) Itzuli
Ahots motamezzosopranoa
Musika instrumentuagitarra
ahotsa
marisamonte.com.br
IMDB: nm1343040 Facebook: marisamonteoficial Twitter: marisamonte Youtube: UC4EZ1VRVao2-bByh-x8O6PQ Musicbrainz: f81f19b9-c76e-43ac-8656-bb56071785fb Songkick: 22829 Discogs: 336605 Allmusic: mn0000828349 Edit the value on Wikidata
Marisa Monte.

Marisa Monte (izen osoa Marisa de Azevedo Monte) (Rio de Janeiro, 1967ko uztailaren 1a) Brasilgo emakumezko abeslari ezagunenetakoa da, 1990eko hamarkadan sona handia hartu zuena. Brasilgo Rolling Stone aldizkariak historiako bigarren abeslari onena kontsideratzen du, Elis Reginaren atzetik.

Biografia

[aldatu | aldatu iturburu kodea]

Haurtzaroan piano ikasketak egin bazituen ere bederatzigarren urtebetetzean bateria bat jaso oparitan eta perkusiozale bihurtu zen. Ondoren gitarra jotzen ikasi zuen. Nerabe zela kanto lirikoa ikasi zuen eta Rocky Horror Show musikalean hartu zuen parte[1].

1985ean Italiara joan zen kantu ikasketak egitera eta han egi zituen hamar hilabetetan kantu lirikoa bertan behera utzi eta lagun brasildarrekin beren herrialdeko musika jotzen aritu zen pub eta lokaletan. Venezian Nelson MOta ezagutu zuen, Tudo veludo ikuskizunaren zuzendaria izango zen eta 1987an Ríoko JazzMania kanalean aurkeztu zuen Marisa protagonista zela. Berehalako arrakasta izan zuen eta oraindik diskoa grabatu gabea bazen ere brasildar musikan etorkizun handieneko ahotsa zuela kontsideratu zuten. 1989an Brasilgo "TV Manchete" telebista saioan emandako kontzertua grabatu eta aurreneko diskoa kaleratu zuen, MM izenekoa[1]. Urte berean Salvador de Pátria teleseriearen soinubandan hartu zuen parte. Soinubandaren diska Brasilgo historiako ehun onenen artean 52. postuan kokaturik dago.

1991 urtean bigarren diskoa atera zuen, Mais ("gehiago"). Disko honetako single ezagunena Beija Eu izan zen. 1994an Verde, Anil, Amarelo, Cor-de-Rosa e Carvão diskoa atera zuen, hau ere Brasilgo musika historiako 100 onenen artean kokaturik dago, 87. postuan hain zuzen ere. Brasilgo artista ugariren kolaborazioak izan zituen, hala nola, Gilberto Gil, Paulinho da Viola, Carlinhos Brown, Nando Reis (Titãs), Laurie Anderson eta Naná Vasconcelos[2]. 1996an Barulinho Bom ("zarata ona") atera zuen.

2000 urtean Memórias, Crónicas, e Declaracões de Amor diskoa argitaratu zen eta hurrengo urtean izen bereko DVDa, Rio de Janeiron bertan hiru egunetan emandako kontzertuaren irudiekin. 2002an Tribalistas taldea osatu zuen Arnaldo Antunes eta Carlinhos Brownekin[3] eta 2003an hirukotearen diskoa argitaratu zen. Garai hartan sanba eta musika kariokaren inguruko ikerketa egiteari ekin zion eta emaitza 2006an plazaratu ziren bi disko izan ziren, Infinito Particular eta Universo Ao meu Redor[2]. Bietan grabaturiko abestiekin zuzeneko disko bat atera zuen 2008an, Infinito Ao meu Redor.

2011 urtean O que você quer saber de verdade atera zuen Antunes eta Carlinhos Brownen hainbat abestirekin[4]. Ondoren egin zuen birarekin Verda De Uma Ilusao (Tour 2012/2013) zuzeneko diskoa grabatu zuen. 2016an abesti ezagunenen bilduma egin zuen Coleção izeneko diskoan.

2012 urtean Londresko Olinpiar Jokoen amaierako ekitaldian hartu zuen parte[3].

Kolaborazioak

[aldatu | aldatu iturburu kodea]

Marisa Montek ibilbide luzean zehar herrialdeko eta atzerriko artista ugarirekin egin ditu kolaborazioak. Gehienak Arnaldo Antunes eta Carlinhos Brownekin, baina beste batzuk aipatze aldera, hor daude Paulinho da Viola, Cesária Évora, Julieta Venegas eta David Byrnekin besteak beste grabaturiko abestiak.

Diskografia

[aldatu | aldatu iturburu kodea]
  • MM (1989) - zuzenekoa
  • Mais (1991)
  • Verde, Anil, Amarelo, Cor-de-Rosa e Carvão (1994)
  • Barulinho Bom (1996)
  • Memórias, Crónicas, e Declaracões de Amor (2000)
  • Memórias, Crônicas, e Declaracões de Amor (2001) - DVD
  • Tribalistas (2003) - Arnaldo Antunes eta Carlinhos Brownekin
  • Infinito Particular (2006)
  • Universo Ao meu Redor (2006)
  • Infinito Ao meu Redor (2008) - zuzenekoa
  • O que você quer saber de verdade (2011)
  • Verda De Uma Ilusao (Tour 2012/2013) (2014) - zuzenekoa
  • Coleção (2016) - bilduma

Sariak

[aldatu | aldatu iturburu kodea]
  • Grammy Latinoak: lau sari
  • Brazilian MTV Video Music Awards: zazpi sari
  • Multishow de Música Brasileira awards: bederatzi sari

Erreferentziak

[aldatu | aldatu iturburu kodea]
  1. ↑ a b «ISTOÉ Gente Online» www.terra.com.br (Noiz kontsultatua: 2019-01-31).
  2. ↑ a b (Gaztelaniaz) «Marisa Monte, sencillamente sofisticada» Radio Gladys Palmera 2017-01-18 (Noiz kontsultatua: 2019-01-31).
  3. ↑ a b (Gaztelaniaz) Galilea, Carlos. (2013-04-27). «Marisa Monte: “Nuestra forma de mirar habla de nosotros”» El País ISSN 1134-6582. (Noiz kontsultatua: 2019-01-31).
  4. ↑ (Gaztelaniaz) BIANCIOTTOBARCELONA, JORDI. (2012-01-06). «Marisa Monte: «La música me salvó y necesito compartirla»» elperiodico (Noiz kontsultatua: 2019-01-31).

Kanpo loturak

[aldatu | aldatu iturburu kodea]
Wikimedia Commonsen badira fitxategi gehiago, gai hau dutenak: Marisa Monte Aldatu lotura Wikidatan