Marko Dmitrović

Marko Dmitrović
(2017) Irudi gehiago
Bizitza
Jaiotza	Subotica, 1992ko urtarrilaren 24a (32 urte)
Herrialdea	Serbia
Hezkuntza
Hizkuntzak	serbiera
Jarduerak
Jarduerak	golf-jokalaria eta futbolaria
Ibilbidea Taldeak Urteak J G Belgradeko Izar Gorria 2010 / 2013 0 0 Serbia national under-19 football team 2010 / 2012 9 0 Serbia national under-21 football team 2012 / 2015 15 0 Újpest FC 2013 / 2015 12 0 Charlton Athletic F.C. 2015 / 2016 5 0 Agrupación Deportiva Alcorcón 2015 / 2017 79 0 Serbiako futbol selekzio nazionala 2017 / 2022 19 0 Eibar KE 2017 / 2021 130 1 Sevilla Fútbol Club 2021 / 2024 34 0 Club Deportivo Leganés 2024 /
Parte-hartzailea 2018ko Munduko Futbol Txapelketa
Posizio edo espezialitatea	futbol atezaina
Kirol zenbakia	1
Pisua	94 kilogramo
Altuera	194 zentimetro

Marko Dmitrović ((serbieraz: Марко Дмитровић, mâːrko dmîtroʋitɕ ahoskatua; Subotica, Serbia, 1992ko urtarrilaren 24a) Eibar Kirol Elkartean atezain gisa jokatzen duen futbolari serbiarra da, bere herrialdeko selekzio nazionalarekin internazionala. Serbiako entrenatzaileak asko konfiatzen du beragan eta horregatik Errusiako 2018ko munduko txapelketara eraman zuen, hori bai, erreserba gisa. Transfermarkt.com orrialdearen arabera bere balio fitxaketen merkatuan 4 milioikoa da (Eibar taldearen 10ena) eta bere klausula 8 milioikoa.

Kirol ibilbidea

Hastapenak Serbian

Bere ibilbidea berandu hasi zen, 14 urterekin Belgradeko Izar Gorria taldean sartu zenean eta hango beheko kategorietan egon zen 2010ean adinez nagusi izatera iritsi zen arte. Hala ere, 2010ean Izar Gorriak taldeko lehen taldearen fitxa lortu eta titularra izan behar zenean, lesio larri batek itxi zion bidea eta nahiz eta 2013rarte hainbat saiakera egin zituen sendatzeko, ezin izan zuen.

Atzerriko taldeetan

Hungariako Újpest taldera joan zen aurrena. Talde honetan izan zuen aukera profesionalki debuta egiteko baina 2 urteetan 12 partidu soilik jokatu zituen eta 2015-16 denboraldirako Charlton Athletic taldeak fitxatu zuen. Liga hartako 5 partidu jokatu zituen arren, fitxa bat gainetik kendu beharra zeukan bere taldeak eta Alcorcónera utzi zuen, Espainiako 2. mailako Madrilgo taldera. Behingoz hemen eduki zuen behar zuen jarraitasuna eta Alcorcón pozik zegoenez bere jarrerarekin, kontratua berritu zuen. Hurrengo denboraldian, partidu guztiak jokatu zituen bat izan ezik eta oso garrantzitsua izan zen bere taldea 2.B mailara ez jaisteko.

Eibar KE

2017ko udan Eibarrek fitxatu zuen Alcorcóni milioi bat euro ordainduta. Malagaren aurkako partida batean egin zuen debuta eta 0-1 nagusitu ziren armaginak. Aurreneko denboraldi hartan Eibarko jokalari onena izendatu zuten.

Bitxikeria gisa aipatzekoa da 2021eko urtarrilaren 21ean Atlético Madrilen aurkako partidan penaltiz gola sartu zuela, Ligaren historian zazpi atezainek baino ez dute hau lortu. Zoritxarrez eibartarrek partida 1-2 galdu zuten.

Serbiako selekzioa

Serbiako selekzioarekin 2017an egin zuen debuta eta partida gehien 2019an jokatu zituen, 9 hain zuzen ere.

Taldeak

Taldea	Urteak
Izar Gorria	2010-2013
Újpest FC	2013-2015
Charlton Athletic FC	2015
AD Alcorcón	2015-2017
Eibar KE	2017-

Palmaresa

• Hungariako futbol kopa (1): 2014 (Újpest FC)