Masuji Ibuse

Masuji Ibuse
Irudi gehiago
Bizitza
Jaiotza	Kamo ^(en) , 1898ko otsailaren 15a
Herrialdea	Japonia  Japoniar Inperioa  1947)
Lehen hizkuntza	japoniera
Heriotza	Tokio, 1993ko uztailaren 10a (95 urte)
Hezkuntza
Heziketa	Waseda Unibertsitatea
Hizkuntzak	japoniera
Jarduerak
Jarduerak	eleberrigilea, poeta eta idazlea
Jasotako sariak	ikusi Naoki Prize  (1938) Yomiuri Prize  (1950, 1972) Japan Art Academy Prize  (1956) Noma Literary Prize  (1966) Order of Culture  (1966) Person of Cultural Merit  (1966)

Masuji Ibuse (Fukuyama, 1898ko otsailaren 15a - Tokio, 1993ko uztailaren 10a) japoniar idazlea izan zen.

Hasieran pinturak erakarri zuen baina gero literaturaren bidea hartu zuen, Shimazakiren poesiaren eraginez. Herri xume aldagaitzaren, jende arruntaren behaketa samur eta lotsatia da bere lanaren muina, nekazariena nahiz arrantzaleena, eta askotan boteretsuek manipulatutako bizimoduetako gertakizun xumeena; horretan oinarrituta, gizartearen aldaketa deskribatzeaz gainera, japoniar ordenaren satira egin zuen, lan hauetan esate baterako: Sansho-uô (1929, Arrabioa); Hyomin Usaburo (1954-1955, Usaburo. Urperatze baten kronika), Honjitsu Kyûshin (1950, Gaur ez dago kontsultarik). Urteak aurrera joan ahala, erregimen militarra nagusitu zenean eta gerra garaian, kronika historikoak egin zituen, aurreko belaunaldiko Ogai Mori egilearen eragina nabari dutenak. Kuroi Ame (1966, Euri beltza) jotzen da bere maisulantzat. Bertan, Hiroshimako eztanda nuklearretik bizirik atera zirenengan astiro-astiro heriotzak darizkion lana osatu zuen hitz ekonomia handiz; Shohei Imamura zinemagileak izen bereko filma egin zuen 1989an, nobela horretan oinarrituta. Autobiografia bat (Gorpuzkinak kokatzeko artea, 1936) eta oroitzapen liburu bat (Iogi herria, Toyotamako auzoa, 1981) ere idatzi ditu.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.