Mazlum Doğan

Mazlum Doğan
Bizitza
Jaiotza	Karakoçan ^(en) , 1955
Herrialdea	Turkia
Lehen hizkuntza	turkiera
Heriotza	Diyarbakır, 1982ko martxoaren 21a (26/27 urte)
Heriotza modua	suizidioa: autoimmolazioa
Hezkuntza
Heziketa	Hacettepe University ^(en)
Hizkuntzak	turkiera
Jarduerak
Jarduerak	politikaria
Sinesmenak eta ideologia
Alderdi politikoa	Kurdistango Langileen Alderdia

Mazlum Doğan (Seydan, Mazgirt, Dersim probintzia, 1956 – Diyarbakır (Turkia), 1982ko martxoaren 21a) kazetaria, Kurdistango Langileen Alderdiaren kide sortzailea izan zen. Espetxean hil zen, kurduen artean martiria izanik.

Biografia

Uludağ Unibertsitateko Hezkuntza Fakultatean ikasi zuen eta ondoren Ankara Hacetteme Unibertsitateko Ekonomia Sailean ikasi zuen. 1976an ikasketak utzi zituen eta buru belarri ikasle mugimenduetan sartu zen. Serxwebûn (Independentzia) PKKren lehen egunkariaren argitaratzailea izan zen.

Atxiloketa

1979an atxilotu zuten erakunde terrorista bat sortu eta liderra izateagatik. Salaketen arabera, Dyarbatır estatu Ospitale bateko kide bati ihes egiten lagundu omen zion eta nortasun agiriak faltsutzeagatik atxilotu zuten.

Heriotza

Doğan kazetari kurduak su eman zion Amedeko espetxeko bere ziegari, Noruz egunez, bere buruaz beste eginez. Noruz egunean (Newroz kurduen artean) urte berria ospatzen dute kurduek eta horretarako suak pizten dituzte. Turkiako estatu kolpe militarraren eta espetxe horretako bizi baldintza negargarrien aurkako protesta izan zen. Presondegi hori ezaguna da torturak praktikatzeagatik, eta preso ugari hil ziren bertan. PKK-ko presoek borrokaldia abiatu zuten giza eskubideen urraketak salatzeko, baina munduak jaramonik egin ez, eta borroka zabaltzeko beste modu bat bilatu nahi izan zuen Doğanek. Egun, kurduen martirien artean oso garrantzitsua da.^[1]

Alevis taldekoa zen.

Erreferentziak

1. https://www.argia.eus/efemerideen-kanala/mazlum-dogan-kazetari-kurduak-su-eman-zion-amedeko-espetxeko-bere-ziegari-newroz-egunez

Kanpo estekak