Paspalum dilatatum

Paspalum dilatatum
Irudi gehiago
Sailkapen zientifikoa
Erreinua	Plantae
Ordena	Poales
Familia	Poaceae
Leinua	Paniceae
Generoa	Paspalum
Espeziea	Paspalum dilatatum Poiret

Paspalum dilatatum Poaceae familiako landare belarkara da, Brasilen eta Argentinan jatorria badu ere mundu osoan naturalizaturik dagoena^[1].

Deskribapena

Landare belarkara iraunkorra da, sustrai sakonak dituena eta 0,6-1,7 metro arteko altuera hartzen duena eta sasi sendoak osatzen dituena.

2-9 buru estu eta luzeetan ditu infloreszentziak^[1]. Lore oso txikiek satzen dute, 2'8-3,5 mm ingurukoa bakoitza.

Ugalketa

Uztaila eta urria artean loratzen da eta hazi bidez ugaltzen da. Ardiek jaten badute errizomatik adaxka berriak luzatu ditzake^[1].

Habitata

Eremu hezeak atsegin ditu, 900 mm/urte baino gehiago jasotzen dutenak, horregatik eremu azpitropikaletan eta eremu epeletan ohiko landarea da. Uholde egoerak eta lehorraldiak ere nahiko ongi jasaten ditu eta ardiek jan ondoren ere ongi errekuperatzen da.

Animalientzako erakargarria eta nutritiboa da, ekoizpen handirik ez badu ere. Higaduraren aurka egiteko ere erabiltzen da^[2]. Itsasoaren mailatik hasi eta 700 metrotako altuera artean landatzen da. Haren kabuz erreka ertzetan eta estuarioetan ezartzen da^[1].

Erreferentziak

1. ↑ (Gaztelaniaz) invasorasenramales. (2019-07-30). «Una gramínea sudamericana» Invasoras en Ramales (Noiz kontsultatua: 2024-07-10).
2. «Paspalum dilatatum Poir. (Munduko flora)» Pl@ntNet (Noiz kontsultatua: 2024-07-10).

Kanpo estekak