Pasqual Maragall

Pasqual Maragall
Irudi gehiago
127. Kataluniako Generalitateko presidentea 2003ko abenduaren 20a - 2006ko azaroaren 28a ← Jordi Pujol - José Montilla → Kataluniako Parlamentuko diputatua 2003ko abenduaren 5a - 2006ko irailaren 8a Barrutia: Bartzelona Hautetsia: 2003 Catalan regional election ^(en) 3. Kataluniako Alderdi Sozialistaren presidentea 2000 - 2007 ← Raimon Obiols i Germà ^(mul) - Isidre Molas i Batllori ^(en) → Kataluniako Parlamentuko diputatua 1999ko azaroaren 5a - 2003ko irailaren 23a Barrutia: Bartzelona Hautetsia: Catalonian parliamentary election, 1999 ^(en) Kataluniako Parlamentuko diputatua 1992ko apirilaren 3a - 1995eko irailaren 26a Barrutia: Bartzelona Hautetsia: 1992 Catalonian parliamentary election ^(en) Kataluniako Parlamentuko diputatua 1988ko ekainaren 16a - 1992ko urtarrilaren 21a Barrutia: Bartzelona Hautetsia: Catalonian parliamentary election, 1988 ^(en) 114. Bartzelonako alkate 1982ko abenduaren 2a - 1997ko irailaren 26a ← Narcís Serra - Joan Clos → Bartzelonako Udaleko zinegotzia 1979ko apirilaren 3a - 1997ko irailaren 26a Hautetsia: 1979ko Espainiako udal hauteskundeak
Bizitza
Jaiotzako izen-deiturak	Pasqual Maragall i Mira
Jaiotza	Bartzelona, 1941eko urtarrilaren 13a (83 urte)
Herrialdea	Katalunia
Bizilekua	Bartzelona
Familia
Aita	Jordi Maragall i Noble
Ezkontidea(k)	Diana Garrigosa Laspeñas ^(en)  (1965 -  2020)
Seme-alabak	ikusi Cristina Maragall i Garrigosa ^(en)
Haurrideak	ikusi Ernest Maragall Pau Malvido Jordi Maragall i Mira ^(en) Àngels Maragall i Mira
Hezkuntza
Heziketa	Bartzelonako Unibertsitatea Zuzenbidean lizentziatua Bartzelonako Unibertsitate Autonomoa doktoretza New School ^(en)
Hizkuntzak	katalana gaztelania ingelesa
Jarduerak
Jarduerak	politikaria eta irakaslea
Parte-hartzailea World Economic Forum Annual Meeting 2004 ^(en)
Lantokia(k)	Bartzelona
Enplegatzailea(k)	Bartzelonako Unibertsitate Autonomoa
Jasotako sariak	ikusi Kataluniako Generalitatearen Urrezko Domina  (2007) Catalan of the year Award  (2007) Gold Medal for Tourism Merit  (1996) Knight Grand Cross of the Order of Sports Merit  (1986) Grand Cross of Naval Merit with white badge  (1989) Meritu Zibileko Ordenaren Gurutze Handia  (1993) Canigó Award  (2012)
Kidetza	Socialist Convergence of Catalonia ^(en) Societat Catalana d'Estudis Jurídics Econòmics i Socials ^(en) Ateneu Barcelonès Workers' Front of Catalonia ^(en)
Sinesmenak eta ideologia
Alderdi politikoa	Kataluniako Sozialisten Alderdia Socialist Party of Catalonia-Congress ^(en)
pasqualmaragall.cat

Pasqual Maragall i Mira (Bartzelona, 1941eko urtarrilaren 13a) politikari kataluniarra da, Jordi Maragall senatariaren semea eta Joan Maragall olerkariaren biloba. Kataluniako Generalitateko presidentea izan zen 2003tik 2006ra bitartean; Kataluniako Sozialisten Alderdi politiko ezkertiarraren barnan. 1982 eta 1997 bitartean Bartzelonako alkatea izan zen. Haren agintaldian Bartzelonan 1992eko Joku Olinpikoak ospatu ziren.

Zuzenbidea eta Ekonomia ikasi zituen Bartzelonako Unibertsitatean, eta New Yorken eta Parisen osatu zituen ikasketak. Irakasle gisa jardun du zenbait unibertsitatetan, baina politikan nabarmendu da batez ere. Front Obrer de Catalunya eta Moviment Febrerreko kide izan zen, eta 1975ean Convergencia Socialista de Catalunya alderdiaren sortzaileetako bat izan zen; alderdi hori Kataluniako Sozialisten Alderdiaren barruan sartu zen gero (PSC-PSOE). 1979ko hauteskundeen ondoren zenbait kargu bete zituen Bartzelonako udalean, eta 1982an alkate izendatu zuten, Narcís Serrak dimisioa eman ondoren. 1983ko hauteskundeetan berretsi zuten kargu hartan, eta orobat 1987koetan. PSC-PSOE alderdian diputatu izan zen Kataluniako legebiltzarrean (1988-1992). 1991n berriro izan zen garaile, eta bera izan zen Narcís Serrarekin batera Bartzelonak Joku Olinpikoen egoitza izateko lan gehien egin zuena. Antolaketa batzordeko kidea izan zen, eta lan handiak egin ziren ekimen hari loturik; olinpiar hiriaren egokitzea, kaiaren eraberritzea, Barceloneta egokitzea, errepide-sarea, etab. Joku Olinpikoen ondoren "Batzelona 2000" plan estrategikoa antolatu zuen. 1994an berriro aurkeztu zen alkatetzara. CIUren abertzaletasunari aurre egiteko "Plataforma siglo XXI" egitasmoaren eragile nagusietakoa izan zen. 1994an, PSCren VII Biltzarrean idazkari nazional izendatu zuten. 1995ean berriro izendatu zuten alkate, baina ez zuen gehiengo absoluturik eskuratu, eta handik bi urtera bertan behera utzi zuen kargua.

2007ko urriaren 20an, publikoki azaldu zuen Alzheimerren gaitza zuela, eta 2010eko Donostiako Zinemaldian aurkeztu zuten berak protagonizatutako Bicicleta, cullera, poma (Bizikleta, koilara, sagarra) pelikula (Carles Boschen zuzendaripean), gaixotasuna gai nagusitzat hartuta.

Ikus, gainera

Wikimedia Commonsen badira fitxategi gehiago, gai hau dutenak: Pasqual Maragall

• Kataluniako Generalitateko presidenteen zerrenda
• Bartzelonar ezagunen zerrenda

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.