Patti Scialfa

Patti Scialfa
(2008) Irudi gehiago
Bizitza
Jaiotzako izen-deiturak	Vivienne Patricia Scialfa
Jaiotza	Deal eta Long Branch, 1953ko uztailaren 29a (71 urte)
Herrialdea	Ameriketako Estatu Batuak
Familia
Ezkontidea(k)	Bruce Springsteen
Seme-alabak	ikusi Jessica Springsteen
Hezkuntza
Heziketa	New Yorkeko Unibertsitatea Asbury Park High School ^(en) Miamiko Unibertsitatea Frost School of Music ^(en)
Jarduerak
Jarduerak	musikagilea, rock singer ^(en) , backing vocalist ^(en) eta gitarra-jotzailea
Kidetza	E Street Band ^(mul)
Genero artistikoa	rock
Musika instrumentua	gitarra ahotsa
Diskoetxea	Columbia Records

Vivienne Patricia "Patti" Scialfa (/skalfah/ irakurrita), (Deal, New Jersey, 1953ko uztailaren 29a) pop-rock estiloko Ameriketako Estatu Batuetako abeslari, gitarra jotzailea eta musikagilea da.

Bakarlari gisa ere lan egiten duen arren, bereziki ezaguna da, Bruce Springsteenekin batera sarritan jotzen duen E Street Band taldeko kideetako bat izateagatik. 1991tik Bruce Springsteenekin ezkonduta dago eta hiru seme-alaba dituzte.^[1]

Biografia

Joseph Scialfaren (Siziliako arbasoekin) eta Patricia Scialfaren (Morris jaioa, arbaso eskoziar-irlandarrekin) alaba, bere aita ekintzaile arrakastatsua izan zen: telebisten biltegi xume batekin hasi zen eta higiezinen sustatzaile bihurtu zen. Scialfak txikitatik idazten zituen abestiak, eta, institutua amaitu ondoren, bere lehen lan profesionala New Jerseyko tokiko taldeei laguntzeko abeslari gisa aritu zen. Musikan lizentziatu zen New Yorkeko Unibertsitatean, Miamiko Unibertsitateko Frost School of Musiceko jazz kontserbatorio ezagunetik igaro ondoren. Fakultatean egon zen bitartean, Scialfak prestatutako materiala bidali zien beste artista batzuei, grabatuko zutelakoan. Hala ere, bere abestietako bat ere ez zen grabatu eta graduatu ondoren, Scialfak kaleko musikari eta zerbitzari gisa lan egin zuen Greenwich Villagen. Soozie Tyrell eta Lisa Lowellekin batera kaleko taldea sortu zuen: «Trickster».

1984an, Scialfa E Street Band taldearekin elkartu zen, Born in the U.S.A. Tour taldearen inaugurazio kontzertua baino egun batzuk lehenago.^[2] Aurretik, maketa batzuk aurkeztu ondoren, kontratu bat sinatu zuen Columbia Recordsekin.^[3]

Beste abeslari eta talde ospetsuekin ere kolaboratu du, besteak beste The Rolling Stones (Dirty Work albumean), Keith Richards, Elliott Murphy...

Diskografia

• Rumble Doll (1993)
• 23rd Street Lullaby (2004) – (#152, US Billboard 200)
• Play It As It Lays (2007) – (#90, US Billboard 200)

Erreferentziak

1. https://www.youtube.com/watch?v=ig6z4THdIy4
2. https://web.archive.org/web/20100917034245/http://www.acousticstorm.com/interview.php?id=74
3. https://www.allmusic.com/artist/patti-scialfa-mn0000747507

Kanpo estekak

• (Ingelesez):Diskografia Allmusic.com webgunean.
• (Ingelesez):Kontua Instagramen.
• (Ingelesez):Patti Scialfa Youtuben, "As Long As I (Can Be With You)" abesten.