Pyrochroidae | |
---|---|
Sailkapen zientifikoa | |
Erreinua | Animalia |
Filuma | Arthropoda |
Klasea | Insecta |
Ordena | Coleoptera |
Superfamilia | Tenebrionoidea |
Familia | Pyrochroidae Latreille, 1807 |
Pyrochroidae kakalardoen taldeko familia bat da 150 espezie inguru dituena. Kolore gorriko kakalardoak izaten dira.
Pyrochroa izena grezierazko piros ("sua") eta chroa ("kolorea") hitzen elkarketatik dator. "Suaren koloreko kakalardoak" dira familia honetako aleak.
Kakalardo txikiak izan ohi dira, 2-20 mm artekoak. Beldarrak 35 mm izatera iritsi daitezke. Hildako zuhaitzen enbor azaletan aurkitzen dira eta gehienek onddoak jaten dituzte. Talde handiegiak badira kanibalismoa ager daiteke.
Espezie askotako arrek orrazi itxurako antenak izaten dituzte.
150 espezie inguru hartzen ditu. Garai bateko Pedilidae familiako kideak Pyrochroidae familian integratu ziren.